1 قاراشا, 18:20 426 0 سىرتقى ساياسات انار لەپەسوۆا

قازاقستاننىڭ قىتايداعى ەلشىسى تاعايىندالدى

قازاقستان پرەزيدەنتىنىڭ جارلىعىمەن عابيت بەيبىتۇلى قويشىباەۆ قازاقستان رەسپۋبليكاسىنىڭ قىتاي حالىق رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى، دەپ حابارلايدى اقوردا.

عابيت بەيبىتۇلى قويشىباەۆ 1972 جىلعى 12 ناۋرىزدا الماتى قالاسىندا دۇنيەگە كەلگەن. ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن (1994 ج.), قر ءسىم ديپلوماتيالىق اكادەمياسىن (1999 ج.) تامامداعان.

ەڭبەك جولىن 1994 جىلى قر ءسىم ورتالىق اپپاراتىندا باستاپ، سول جىلى قازاقستاننىڭ ءۇرىمجى قالاسىنداعى (قحر) پاسپورتتىق-ۆيزالىق قىزمەتىنە ىسساپارعا جولداندى.

1999-2007 جىلدار ارالىعىندا قازاقستاننىڭ ءۇرىمجى قالاسىنداعى (قحر) پاسپورتتىق-ۆيزالىق قىزمەتىندە، قازاقستان رەسپۋبليكاسىنىڭ قىتاي حالىق رەسپۋبليكاسىنداعى ەلشىلىگىندە ءتۇرلى ديپلوماتيالىق لاۋازىمداردا جۇمىستا بولدى. 2007-2009 جىلدارى قر ءسىم ازيا جانە افريكا ەلدەرى دەپارتامەنتىندە بىرقاتار جاۋاپتى لاۋازىمداردا قىزمەت اتقاردى.

2009-2011 جىلدارى قازاقستاننىڭ قىتايداعى ەلشىلىگىنىڭ كەڭەسشىسى، كەڭەسشى-ۋاكىلى بولىپ، 2011-2014 جىلدارى قازاقستاننىڭ شانحاي قالاسىنداعى (قحر) باس كونسۋلى لاۋازىمىندا قىزمەت اتقاردى. 2014-2016 جىلدارى قر ءسىم كونسۋلدىق قىزمەت دەپارتامەنتى ديرەكتورىنىڭ ورىنباسارى، جالپىازيالىق ىنتىماقتاستىق دەپارتامەنتى ديرەكتورىنىڭ ورىنباسارى قىزمەتتەرىندە بولدى.

قازاقستان رەسپۋبليكاسىنىڭ قىتاي حالىق رەسپۋبليكاسىنداعى ەلشىسى لاۋازىمىنا تاعايىندالعانعا دەيىن قر پرەزيدەنتى اكىمشىلىگىنىڭ سىرتقى ساياسات جانە حالىقارالىق بايلانىستار ءبولىمى مەڭگەرۋشىسىنىڭ ورىنباسارى قىزمەتىن اتقارىپ كەلدى.

ءىى سىنىپتى توتەنشە جانە وكىلەتتى ۋاكىل ديپلوماتيالىق دارەجەسى بار. قىتاي جانە اعىلشىن تىلدەرىن مەڭگەرگەن.

سوڭعى جاڭالىقتار