1 قاراشا, 13:06 430 0 قاۋىپسىزدىك انار لەپەسوۆا

تەلەفون ءنومىرىن تىركەمەۋدىڭ سالدارى قانداي؟

اقپارات جانە قوعامدىق دامۋ ءمينيسترى داۋرەن اباەۆ قازاقستاندىقتاردىڭ ۇيالى تەلەفون ءنومىرىن تىركەمەۋ قانداي جاعدايعا اكەپ سوعاتىنىن ءتۇسىندىردى. 

اباەۆتىڭ ايتۋىنشا، تەلەفون ءنومىرى بىرنەشە سانداردىڭ جيىنتىعى عانا ەمەس، ول دا جەكە ءۇي نەمەسە كولىك سىندى مۇلىك. مينيستر ءنومىر تولەماقى جاساۋ، اقشا اۋدارۋ جانە مەملەكەتتىك قىزمەتتەردى قولدانۋعا مۇمكىندىك بەرەتىن نەگىزگى قۇرال ەكەنىن ەسكەرتتى.

سونىمەن قاتار، ءنومىر جەكە باس قاۋىپسىزدىگىنە تىكەلەي قاتىسى بار زات ەكەندىگىن ۇمىتپاعان ءجون. مىسالى، ءسىزدىڭ ءنومىرىڭىز باسقا بىرەۋدىڭ اتىندا بولسا، ول ادام ءسىزدىڭ جەكە مالىمەتەرىڭىزگە، جەكە شوتتاعى اقشاڭىزعا قول سۇعىپ قانا قويماي، بايلانىس نومەرىڭىزدى ىستەن شىعارىپ تاستاۋى دا مۇمكىن.
ال مۇنداي جاعدايدى بولدىرماس ءۇشىن، 15 مينۋت ۋاقىتىڭىزدى عانا قۇرتىپ، ءنومىرىڭىزدى ءوز اتىڭىزعا تىركەسەڭىز بولعانى.

تاعى ءبىر ايتا كەتەرلىك جايت، تۇرعىنداردىڭ ءوز اتىنا بىرنەشە ءنومىردى تىركەلىپ تۇرعانىنا ءمان بەرمەۋى ولاردىڭ سالعىرتتىعىن انىقتايدى. مىسالى، نومىرلەردى قولدانۋشىلاردىڭ ءبىرى الاياق نەمەسە تەلەفون قاراقشىسى بولىپ قالسا، سۇراۋ ءنومىردىڭ يەسىنە تۇسەدى.

ەڭ قىزىعى، كەيبىر قازاقستاندىقتار ءوز اتىنا تىركەلگەن نومىرلەردى تەكسەرۋ بارىسىندا، بىرنەشە ءنومىردىڭ يەسى ەكەندىگىن انىقتاعان.

سوڭعى جاڭالىقتار