31 قازان, 10:49 401 0 ايماق دينارا مىڭجاسارقىزى

اۋىلشارۋاشىلىعى ەكسپورتى  ۇلعايدى

تۇركىستان وڭىرىندە بيىلعى جىلدىڭ 9 ايىندا اۋىل شارۋا­شى­لى­عى ءونىمىنىڭ جالپى كولەمى 450 ملرد تەڭگەنى قۇراپ، بىلتىرعى جىل­مەن سالىستىرعاندا ەداۋىر ارتقان. نەگىزگى كاپيتالعا سالىنعان ينۆەستيتسيا كولەمى دە 2,5 ەسەگە كوبەيىپ، تۇركىستان وبلىسىنىڭ رەسپۋب­لي­كا­داعى ۇلەسى 3-ورىندا تۇر. بۇگىندە مۇندا 70 مىڭنان استام شارۋا قوجالىقتارى جۇمىس ىستەسە، 18 ماقتا وڭدەۋ زاۋىتى بار ماقتاارال، جەتىساي، شاردارا اۋداندارىندا تۇراتىن 300 مىڭنان استام حالىق شارۋاشىلىعىمەن اينالىسادى. 

2019 جىلدىڭ 9 ايىنىڭ قورى­تىن­دىسىمەن اۋىل شارۋاشىلىعى ونىمدەرىنىڭ ەكس­پورتى 157,3 ملن اقش دوللارىن قۇ­راعان. رەسەي، وزبەكستان، تاجىكستان، ءازىر­بايجان، يران، جانە باحرەين ەلدەرىنە ءىرى قارا جانە ۋاق مال ەتتەرى ەكسپورتتالعان. سو­نىمەن قاتار، رەسەي، بەلورۋسسياعا 304,3 مىڭ توننا قاربىز بەن قاۋىن جەتكىزىلگەن. سونداي-اق، ماقتا تالشىعىنىڭ ەكسپورتى جىل سايىن ارتۋدا. بيىل 264,0 ملن اقش دوللارىن قۇرايتىن اۋىل شارۋاشىلىعى ونىمدەرىن ەكسپورتتاۋ كۇتىلۋدە.

سوڭعى كورسەتكىشتەر بويىنشا ءوڭىر­دەگى جالپى ءونىم كولەمىنىڭ يندەكسى مەن تاماق ونىمدەرى ءوندىرىسىنىڭ نەگىزگى كاپي­تال­عا تارتىلعان ينۆەستيتسيالاردىڭ ناق­تى كولەمى، ءىرى قارا مەن ۇساق مال باسىنىڭ ۇلەسى سەكىلدى دامۋ ينديكاتورلارى ارتقان. بۇل باعىتتا تۇركىستان وبلىسى اۋىل شارۋاشىلىعى نەگىزگى كاپي­تال­عا تارتىل­عان ينۆەستيتسيالاردىڭ كولەمى جا­عىنان دا رەسپۋبليكا بويىنشا العاشقى ورىندا.

سوڭعى جاڭالىقتار