25 قازان, 12:34 414 0 الەۋمەت انار لەپەسوۆا

2,5 ملن تەڭگە: الماتىدا جالعا بەرىلەتىن ەڭ قىمبات پاتەر قايدا ورنالاسقان؟

ەلىمىزدە جالعا بەرىلەتىن باسپانا باعاسى شارىقتادى. باعا ءوسىمى، ءاسىرەسە, الماتىلىقتاردىڭ قالتاسىنا ايتارلىقتاي سالماق سالۋدا.  بۇگىندە قالاداعى ءبىر بولمەلى پاتەردى كەم دەگەندە 90 مىڭ تەڭگەگە جالعا الۋعا بولادى.

ماماندار باعانىڭ بۇلاي قۇبىلاۋىنا يپوتەكانىڭ قولجەتىمدى بولماي وتىرعانىن ايتادى. بۇل تۋرالى استانا تەلەارناسى حابارلادى.

قالا سىرتىندا تۇراتىن گۇلناز جۇماحان جۇمىسقا جەتۋ ءۇشىن 3 ساعاتىن جۇمسايدى ەكەن. شەتكى اۋداندا تۇراتىن ول جارتى جىلدان بەرى ورتالىقتان جالدامالى پاتەر ىزدەپ ءجۇر. بىراق ءبىر بولمەلى باسپاناعا قالتاسى كوتەرەر ەمەس.

"جۇمىسقا جاقىن جەرلەردەن پاتەر ىزدەگەنمىن، كوپ جەرلەردە قىمبات 130-150, 100 مىڭ تەڭگەنىڭ ۇستىندە. ءبىر ايعا 100 مىڭنىڭ ۇستىندە پاتەرگە تولەيسىن، كوممۋنالكاسى بار، بارلىعى قالتاعا اۋىر تۇسەدى. كوپ پاتەرلەرگە حابارلاسساڭ ءوتىپ كەتكەن نەمەسە ريەلتورلار بولىپ جاتادى. پاتەر يەسى ەمەس كوبىنەسە ولار ءوزى تاۋىپ بەرگەنى ءۇشىن وزىنە اقشا الادى", - دەيدى گۇلناز جۇماحان.

وسى تۇرعىدا ريەلتورلار قاۋىمداستىعىنىڭ ۆيتسە-پرەزيدەنتى نينا لۋكيانەنكو، جارناما بەرەتىندەر كوبىنە جالعان ريەلتور دەيدى. ساراپشى پاتەردى جالداۋ كەزىندە ساراڭدىق تانىتپاعان ءجون دەپ وتىر. ال باعا 90 مىڭ تەڭگەدەن تومەنى جوق ەكەنىن مويىندايدى.

"سوڭعى ەكى جىلدا باعانىڭ وسكەندىگى بايقالادى. بۇدان 2-3 جىل بۇرىن 1 بولمەلى پاتەردىڭ،  30 شارشى مەترى 60-80 مىڭ تەڭگە بولسا، بۇگىندە 90 مىڭ تەڭگەنى كورسەتىپ تۇر", - دەيدى نينا لۋكيانەنكو.

جالعا بەرىلەتىن پاتەر قۇنى قۇبىلىپ تۇرعاندىعىن عالامتورداعى سايتتاردان دا اڭعارۋعا بولادى. مۇنداعى باعا ەڭ الدىمەن، ورنالاسقان جەرىنە بايلانىستى ءوسىپ وتىرادى. ورتالىققا نەعۇرلىم جاقىن بولسا، سوعۇرلىم قىمبات. پاتەر ەۋروجوندەۋدەن وتكەن بولسا، ول باعا ۇستىنە باعا قوسادى.

ەڭ قىمبات پاتەرلەردىڭ ۇشتىگىنە مەدەۋ اۋدانىنداعى جەتى بولمەلى پاتەر كىرەدى. 500 شارشى مەتر اۋماقتى قامتيتىن پاتەرلەردە دجاكۋزي، تەرراسا جانە بىرنەشە جاتىن بولمە بار. باعاسى ايىنا 2 ميلليون تەڭگە. جالپى قالانىڭ جوعارعى بولىگىندەگى بەس بولمەلى پەنتحاۋستار 300 مىڭ تەڭگەدەن باستالادى. ال ەڭ قىمبات پاتەرلەر ءال-فارابي داڭعىلىنداعى ء"Esentaى" اۋماعىندا ورنالاسقان. مۇنداعى ۇيلەردى ءبىر ايعا جالعا الۋ قۇنى 2,5 ميلليون تەڭگەدەن باستالادى.

ساراپشىلاردىڭ پايىمىنشا، قاراپايىم تۇرعىندار ءۇشىن يپوتەكا سالماق سالادى. سوندىقتان جالداپ تۇرۋ قولايلى بولىپ وتىرعانىن جەتكىزدى.

"قازىرگى تاڭدا تۇرعىندار ءۇشىن پاتەر ساتىپ الۋدان گورى ونى جالداپ تۇرۋ تيىمدىرەك بولىپ تۇر. ويتكەنى پاتەردى ساتىپ الۋ قىمباتقا تۇسەدى. ال نەسيە نەمەسە يپوتەكاعا الايىن دەسە باستاپقى جارنا بولۋى كەرەك. سونىڭ سەبەبىنەن قازىر قالادا جالدامالى باسپانالارعا سۇرانىس جوعارى", - دەيدى نينا لۋكيانەنكو.

ساراپشىلار جىلجىمايتىن مۇلىكتىڭ باعاسى نارىقتا ساتۋعا دا، جالعا الۋعا دا ءتيىمدى ۇسىنىستار تۇسكەنگە دەيىن وسە بەرەتىنىنە سەنىمدى.

سوڭعى جاڭالىقتار