23 قازان, 16:36 409 0 ساياسات انار لەپەسوۆا

پرەزيدەنتتىڭ كەڭەسشىسى تاعايىندالدى

مەملەكەت باسشىسىنىڭ وكىمىمەن ءاليا راقىشەۆا قازاقستان رەسپۋبليكاسى پرەزيدەنتىنىڭ كەڭەسشىسى قىزمەتىنە تاعايىندالدى، دەپ حابارلايدى اقوردا.  

ءاليا راقىشەۆا 1980 جىلى الماتى قالاسىندا تۋعان. 2001 جىلى قازاق مەملەكەتتىك زاڭ اكادەمياسىن بىتىرگەن.

2001-2005 جىلدار ارالىعىندا ادىلەت مينيسترلىگى دەپارتامەنتىنىڭ جەتەكشى مامانى، بولىم باستىعى، ودان كەيىن باسقارما باستىعى قىزمەتىن اتقارعان.

2005-2013 جىلداردا ورتالىق سايلاۋ كوميسسياسى اپپاراتى زاڭ ءبولىمىنىڭ كونسۋلتانتى، مەڭگەرۋشىسى، اكىمشىلىك باسقارماسىنىڭ باستىعى – اپپارات باسشىسى بولدى. 2013 جىلدان 2018 جىلعا دەيىن قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك قۇقىق ءبولىمىنىڭ مەڭگەرۋشىسى لاۋازىمىندا بولدى. ال 2018 جىلدىڭ ساۋىرىندە اكىمشىلىك باسشىسىنىڭ ورىنباسارى بولىپ تاعايىندالدى.

 

سوڭعى جاڭالىقتار