23 قازان, 14:37 395 0 ايماق انار لەپەسوۆا

ومىرزاق شوكەەۆ ماقتا ەگۋدى قىسقارتۋدى تاپسىردى

نۇر-سۇلتان قالاسىنداعى ورتالىق كوممۋنيكاتسيالار قىزمەتىنىڭ الاڭىندا وتكەن ءباسپاسوز ءماسليحاتىندا تۇركىستان وبلىسىنىڭ اكىمى ومىرزاق شوكەەۆ ماقتا باعاسىنىڭ ارزاندىعىنا قاتىستى پىكىر ءبىلدىردى. 

اكىمگە ماقتاشى قاۋىمنىڭ جاز بويى بەينەتتەنگەن ءونىمىنىڭ ءار كەلىسى 150 تەڭگەدەن زاۋىتقا ساتىلاتىنى تۋرالى سۇراق قويىلدى.

«بيىل ماقتانىڭ نارىقتاعى باعاسى تومەن. ماقتا وڭدەيتىن زاۋىتتار ءونىمنىڭ ءار تونناسىنا 120 مىڭ تەڭگە تولەيمىز دەپ ايتقان بولاتىن. ءبىز ارالاسىپ، 150 مىڭ تەڭگەگە كوتەردىك. ودان ءارى كوتەرۋ مۇمكىندىگى جوق. جالپى، ماقتا تۋرالى تالاي اتىپ كەلە جاتىرمىن. ماقتا ەگۋدى قىسقارتۋ كەرەك. ويتكەنى وتە ءتيىمسىز داقىل بوپ تۇر قازىر. ونىڭ ورنىنا كوكونىس، باۋ-باقشانى كوبەيتۋىمىز كەرەك. ونى قالاي جاساۋ كەرەكتىگىن ۇيرەتۋ ءۇشىن قايتا-قايتا سەمينار وتكىزىپ جاتىرمىز. كەلەسى جىلى بۇل جاعىنان بەتبۇرىس بولادى دەپ ويلايمىن»، – دەدى وبلىس اكىمى.

 

سوڭعى جاڭالىقتار