23 قازان, 10:24 389 0 الەۋمەت انار لەپەسوۆا

كوتتەدجدە تۇراتىندار مەملەكەتتەن اي سايىن 106 مىڭ تەڭگە جاردەماقى الىپ كەلگەن

قاراعاندى قالاسىندا كوتتەدجدە تۇراتىن تۇرمىسى جاقسى وتباسىلار اتاۋلى الەۋمەتتىك كومەك الىپ كەلگەن، دەپ حابارلادى 24.kz.

ولار  مەملەكەتتەن اي سايىن 106 مىڭ تەڭگەگە دەيىن الىپ وتىرعان. مامانداردىڭ ايتۋىنشا، بۇل  جانۇيالار تۇرعىلىقتى جانە تىركەلگەن مەكەن-جايلارىن، ناقتى تابىسىن  جاسىرعان. قالا بويىنشا وسىعان ۇقساس ءتۇرلى ارەكەتكە بارعان 316 وتباسىعا قازىر اتاۋلى الەۋمەتتىك كومەك بەرۋ توقتاتىلدى. ولاردىڭ قارجىلاي كىرىسى جوعارى ەكەنى زەينەتاقى اۋدارىمدارى جانە سالىق تولەمدەرى ارقىلى انىقتالعان. كوميسسيا مۇشەلەرى تەكسەرۋ بارىسىندا بۇل ازاماتتاردىڭ جەكە ءزاۋلىم ۇيلەرى، اۆتوكولىگى، ءتىپتى جەكە كاسىبى بارى ءمالىم بولدى. 

"كوتتەدج ۇيلەرى بار ازاماتتارمەن اتاۋلى الەۋمەتتىك كومەككە قۇجات تاپسىرعان ۋاقىتتان بەرى جۇمىس جۇرگىزىلىپ جاتىر. جانە دە ولاردىڭ كورسەتكەن تابىس كوزدەرى بىرىنشىدەن 42 مىڭ 500 تەڭگەدەن بولعان. تەكسەرە كەلە ودان دا كوپ بولىپ شىقتى. 2 ميلليون، 4 ميلليون تەڭگەگە دەيىن جەتەتىن سوماعا شىقتى", - دەدى قالالىق جۇمىسپەن قامتۋ ورتالىعىنىڭ ديرەكتورى نۇرجان سىزدىقوۆ.

سوڭعى جاڭالىقتار