22 قازان, 13:52 386 0 رۋحانيات انار لەپەسوۆا

لاتىنعا كوشكەندە قازاق ءتىلىنىڭ ەملەسى وزگەرە مە؟

قازاق ءتىلى لاتىن الىپبيىنە كوشسە دە، ءتىلدىڭ ەمىلەسى وزگەرمەيدى. بۇل تۋرالى شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى» كەاق-نىڭ عىلىمي حاتشىسى انار فازىلجان مالىمدەدى. 

«كوبىسى ەگەر الىپپە اۋىسسا، ەمىلە دە وزگەرەدى دەپ ويلايدى. ەمىلە وزگەرمەيدى. ەمىلە فورمۋلا سياقتى. الىپپەنىڭ بىرەڭ-ساراڭ ارىپتەرى عانا اۋىسادى، ەمىلە سول كۇيى وزگەرىسسىز قالادى»، - دەدى ول ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.

«قازىر ءبىز اكۋت ءالىپبيىن قولدانامىز. اكۋت تاڭباسىمەن الىنعان ءالىپبيىمىز «ءبىر ءارىپ-ءبىر دىبىس» پرينتسيپىنە تولىق سايكەس كەلەدى. ونىڭ ىشىندە ەكى ءارىپ قانا بۇل پرينتسيپكە ساي كەلمەيدى. بۇل الفاۆيت ءبىز ءۇشىن ىڭعايلى دياكريتيكامەن الىنعان»، - دەپ اتاپ ءوتتى. سونىمەن قاتار قازىرگى ۋاقىتتا جاڭا ءالىپبيدىڭ سىناقتان ءوتىپ جاتقانىن جانە قولايسىز ارىپتەردىڭ ءالى دە رەتكە كەلتىرىلەتىنى تۋرالى ايتتى. «ول بۇل ءالفاۆيتتىڭ تولىعىمەن اۋىساتىنىن بىلدىرمەيدى. وندا جۇرتشىلىقتىڭ قولدانىسىنا ىڭعايلى، جۇرتشىلىقتىڭ كوڭىلىنەن شىققان ارىپتەردىڭ جۇيەسى كوپ»، - دەدى ول.

ايتا كەتسەك، 24 قازان كۇنى «جاھاندانۋ جانە ۇلتتانۋ ۇدەرىسىندەگى قازاق ءتىلىنىڭ ومىرشەڭدىگى» رەسپۋبلشيكالىق ءتىل فورۋمى وتەدى. فورۋمدا قازاق ءتىلىنىڭ ماسەلەلەرى مەن لاتىن الىپبيىنە كوشۋ جۇيەسى تالقىلانادى.

سوڭعى جاڭالىقتار