22 قازان, 13:40 372 0 ەكونوميكا انار لەپەسوۆا

بوزىمباەۆ: شاعىن ليتراجدى كولىكتەر سالىقتان بوساتىلادى

ەنەرگەتيكا مينيسترلىگى شاعىن ليتراجدى كولىك جۇرگىزۋشىلەرىن كولىك سالىعىنان بوساتۋدى ۇسىندى. بۇل تۋرالى بۇگىن ۇكىمەت كۋلۋارىندا ەنەرگەتيكا ءمينيسترى قانات بوزىمباەۆ ايتتى. 

ء"بىز شاعىن ليتراجدى كولىكتەردى سالىقتان بوساتۋ تۋرالى ۇسىنىس دايىندادىق. ياعني، قوزعالتقىش كولەمى ۇشكە دەيىنگى كولىك جۇرگىزۋشىلەرى كولىك سالىعىن تولەمەيتىن بولادى. ەگەر بەنزين اكتسيزىنىڭ دەڭگەيى وسسە، ارينە، بەنزين باعاسى دا ءوسۋى مۇمكىن. سوندىقتان، شاعىن ليتراجدى اۆتوكولىكتەر ءۇشىن كولىك سالىعىن جويۋ كەرەك نەمەسە ازايتۋ كەرەك دەگەن ۇسىنىسىمىز بار. ونى ۇلتتىق ەكونوميكا مينيسترلىگىنە ەنگىزدىك", - دەدى مينيستر.

بوزىمباەۆ قازاقستاندا بەنزيننىڭ قىمباتتاۋىنا ەش نەگىز جوق ەكەنىن قاداپ ايتتى.

"2024-2025 جىلداردان باستاپ رەسەي، قىرعىزستان، بەلارۋس، ارمەنيامەن ءبىر نارىقتا بولامىز، ارامىزدا ەشقانداي شەكتەۋ بولمايدى. باسەكەلى نارىق بولادى.  باسەكەلەستىك بولسا، باعا تەڭ بولۋى كەرەك، ول تۇسىنىكتى", - دەدى ول.

ايتۋىنشا، قازىر رەسەيمەن سالىستىرعاندا، ەلىمىزدە بەنزين 100 تەڭگەگە، ال ديزەل وتىنى 50-60 تەڭگەگە ارزان.

 

سوڭعى جاڭالىقتار