22 قازان, 10:38 413 0 زاڭ انار لەپەسوۆا

التى ايلىق ءسابيىن ولتىرگەن ايەل 15 جىلعا سوتتالدى

تاجىكستاننىڭ كۋلياب قالاسىندا  24 جاستاعى كەلىنشەك التى ايلىق ءسابيىن ولتىرگەنى ءۇشىن 15 جىلعا سوتتالدى، دەپ حابارلايدى ورتالىق ازيانىڭ جاڭالىقتار قىزمەتى. 

حاتلون وبلىسىنىڭ تۇرعىنى ءجاميلا كاريموۆا بيىل ماۋسىم ايىندا كۇيەۋىنىڭ تۋىستارىمەن ۇرسىپ قالعاننان كەيىن، ۇلى مۇحاممادجوندى كانالعا لاقتىرىپ جىبەرگەن. بالانىڭ دەنەسى ءبىر اپتا وتكەننەن كەيىن تابىلعان.

سوتتالۋشىنىڭ كۇيەۋىنىڭ تۋىستارى كەلىن بولىپ تۇسكەن كۇننەن بەرى ءجاميلا جاڭا تۋىستارمەن ءتىل تابىسا المادى دەيدى. ال ءوزىنىڭ ايتۋىنشا، كۇيەۋىنىڭ تۋىستارىنان ۇنەمى ءجابىر كورگەن. بىرنەشە رەت وزىنە قول جۇمساعىسى كەلگەن.

ءجاميلا سوتتا ىستەگەن ىسىنە قاتتى وكىنەتىنىن بىلدىرگەن. ول ۇلىن سۋعا لاقتىرعاننان كەيىن، ارتىنان ءوزىن دە تاستاماقشى بولعان. بىراق رايىنان قايتقان.

ءجاميلا كاريموۆا 2018 جىلدىڭ باسىندا ۋمەدجون حاليموۆقا تۇرمىسقا شىققان. كۇيەۋىنىڭ سوزىنشە، ۇيدەگى ۇرىس-كەرىس اناسىنىڭ سومكەسىنەن اقشا ۇرلانعاننان باستالعان. بۇعان كەلىنشەگىن كىنالايدى. بىراق ول سوتتان جەڭىل جازا بەرۋىن سۇرادى.

سوڭعى جاڭالىقتار