21 قازان, 22:11 342 0 ساياسات انار لەپەسوۆا

بەلارۋس پرەزيدەنتى "حابارعا" سۇحبات بەردى

بەلورۋسسيا پرەزيدەنتى الەكساندر لۋكاشەنكو «حابار» اگەنتتىگىنە سۇحبات بەردى.

«حابار» اگەنتتىگى باسقارما توراعاسى ەرلان بەكحوجينمەن اڭگىمە بارىسىندا بەلارۋس پرەزيدەنتى ەكى ەلدىڭ بۇگىنگى قارىم-قاتىناسى جونىندە جان-جاقتى ايتتى.

سونداي-اق، ول بولاشاقتا ەكى ەل اراسىنداعى قارىم-قاتىناستىڭ دامي بەرەتىندىگىن، تاۋار اينالىمنىڭ وسەتىندىگىن جەتكىزدى . سۇحبات بارىسىندا ا.لۋكاشەنكو ەۋرازيالىق ەكونوميكالىق وداق تۋرالى، ونىڭ گەوگرافياسىنىڭ كەڭەيۋى تاقىرىبىنا بولەك توقتالدى.

پرەزيدەنت ەكى ەل اراسىنداعى ىنتىماقتاستىقتى قالىپتاستىرۋداعى نەگىزگى كەزەڭدەرگە توقتالىپ، «تاۋەلسىزدىك» ءسوزىنىڭ نەگىزگى ماعىناسىن، ءمانىن ءتۇسىندىردى.

«جاڭا پرەزيدەنتتىڭ باسقارۋ كەزەڭىندە دە ەكى ەل اراسىنداعى قارىم-قاتىناس جالعاسىن تابادى. ءبىز وسى باعىتتى ۇستاناتىن بولامىز»،- دەدى الەكساندر لۋكاشەنكو.

سۇحبات بارىسىنداعى پرەزيدەنتكە جولدانعان ساۋالداردىڭ باسىم بولىگى بەلارۋس پەن قازاقستان ەلدەرىنىڭ قارىم-قاتىناستارىنىڭ دامۋىنا، ەۋرازيالىق ەكونوميكالىق وداق فورماتىنىڭ ءوزارا ارەكەتتەسۋىنىڭ پروبلەمالارىنا قاتىستى بولدى.

سونىمەن بىرگە، بەلارۋس باسشىسىنىڭ جەكە باسىنا قاتىستى دا كەيبىر سۇراقتار دا قويىلدى.

 

سوڭعى جاڭالىقتار