21 قازان, 13:16 380 0 زاڭ انار لەپەسوۆا

قارۋ ۇستاعان قاراقشىلار جانارماي بەكەتىن 40 سەكۋندتا توناپ كەتتى

تۇركىستان وبلىسىندا ءۇش ەر ادام 40 سەكۋند ىشىندە جانارماي قۇيۋ بەكەتىن توناپ كەتتى. قاراقشىلىق شابۋىل جاساعان كۇدىكتىلەردىڭ ءبىرى قولعا تۇسكەن، دەپ حابارلايدى وڭىرلىك پوليتسيا دەپارتامەنتى. 

قازان ايىنىڭ ورتاسىندا تاڭەرتەڭ جانارماي قۇيۋ بەكەتىنە شابۋىل جاسالعانى حابارلاندى. پوليتسياعا حابارلاما تاڭعى التىدا تۇسكەن.

"قاراقشىلىق" بابى بويىنشا قىلمىستىق ءىس قوزعالعان.

پوليتسيانىڭ مالىمەتىنشە، جقس-نا ەكى ادام شابۋىلداعان. ەر ادامدار بەتپەردە كيىپ، قولدارىندا قوساۋىز مىلتىق پەن گاز باللونشاسى بولعان.

ستانتسياعا شابۋىل جاسالعان كەزدە وندا ءۇش قىزمەتكەر بولىپتى.

"شابۋىلداۋشىلار وپەراتورعا گاز باللونشاسىن شاشقان، كۇزەتشىگە قارۋ كەزەپ، كاسسير قىزدى قورقىتىپ، كاسسادان 170 مىڭ تەڭگە كولەمىندە العان", - دەدى پوليتسيا.

اقشانى وڭاي ۇرلاعان كۇدىكتىلەر بەكەت ماڭىندا كولىكتە توسىپ تۇرعان ءۇشىنشى سىبايلاسىمەن بىرگە كولىككە وىتىر، وقيعا ورنىنان كەتىپ قالعان.

پوليتسيا دەپارتامەنتىنىڭ حابارلاۋىنشا، قىلمىس بار-جوعى 40 سەكۋند ىشىندە جاسالعان.

جاقىندا پوليتسيا كۇدىكتىلەردىڭ ءبىرىن قولعا تۇسىرگەن. قالعان ەكى كۇدىكتىنى ىزدەۋ جۇمىستارى جالعاسىپ جاتىر.

پوليتسيانىڭ مالىمەتىنشە، شابۋىلداۋشىلاردىڭ ءبىرى بۇرىن سوتتى بولعان.

تەگتەر ۇرى توناۋ

سوڭعى جاڭالىقتار