20 قازان, 20:32 479 0 ادەبيەت انار لەپەسوۆا

مارفۋعا ايتقوجينانىڭ شىعارماشىلىق كەشى ءوتتى

اتىراۋدا اقىن، مەملەكەتتىك سىيلىقتىڭ لاۋرەاتى، قازاقستاننىڭ ەڭبەك سىڭىرگەن قايراتكەرى مارفۋعا ايتقوجينانىڭ شىعارماشىلىق كەشى ءوتتى. «اققۋ - اقىن» اتتى كەشكە اتىراۋ وبلىسىنىڭ اكىمى نۇرلان نوعاەۆ ارنايى كەلىپ قاتىستى. 

«وڭىرىمىزدە «رۋحاني جاڭعىرۋ« باعدارلاماسى اياسىندا اقىن-جازۋشىلاردىڭ شىعارماشىلىق كەشتەرى ءوتىپ كەلەدى. بۇگىندە سول ءۇردىس جالعاسىن تاۋىپ، مارفۋعا ايتقوجينانىڭ كەشى وتۋدە. مارفۋعا اپامىزدىڭ ولەڭدەرى ءار وقىرماننىڭ جۇرەگىنەن ورىن تابا ءبىلدى. ءسىزدىڭ ءار ولەڭىڭىزدە سالماقتىلىق، تەرەڭ ماعىنا بار. ءسىزدىڭ قازاق جۇرتىنا ارنايتىن ولەڭدەرىڭىز ءالى دە شىعاتىنىنا سەنىمدىمىن. قالامىڭىز مۇقالماسىن! بۇگىنگى كەشىڭىز قۇتتى بولسىن»، - دەدى نۇرلان نوعاەۆ.

جىر كەشىندە ساحنادان اقىننىڭ ولەڭدەرى وقىلىپ، اتىراۋ قالاسىنىڭ تۇرعىندارىنا ارناپ جازعان «قالايسىڭدار، باۋىرلار» اتتى ءانى ورىندالدى. سونىمەن بىرگە، اقىننىڭ ءسوزى جازىلعان باسقا دا اندەر شىرقالدى.

«بۇگىنگى شىعارماشىلىق كەشتى ۇيىمداستىرىپ وتىرعان اتىراۋ وبلىسىنىڭ اكىمدىگىنە العىسىمدى بىلدىرەمىن. اتىراۋ وڭىرىندە ءوز شىعارماشىلىق كەشىمدى العاش وتكىزىپ تۇرمىن. كەشتى تاماشالاۋعا كەلگەن ءاربىر كورەرمەنگە، بۇكىل اتىراۋ جۇرتىنا العىسىم شەكسىز»، - دەدى مارفۋعا ايتقوجينا.

 

سوڭعى جاڭالىقتار