19 قازان, 15:36 392 0 ايماق انار لەپەسوۆا

جامبىلدا اليمەنتتەن جالتارعان اكەلەر سانى 12 مىڭنان اسقان

جامبىل وبلىسىندا بالاسىنا اليمەنت تولەمەي جۇرگەن اكەلەر سانى ارتىپ بارادى. بۇل تۋرالى قالالىق پروكۋراتۋرا وكىلدەرى ۋاكىلەتتى ورگاندارمەن بىرگە اليمەنت ءوندىرۋ جانە زاڭدىلىق ءتارتىپتى قاداعالاۋ ماقساتىندا وتكىزىلگەن جيىندا ايتىلدى.

«تاراز قالاسى بويىنشا بالاسىنا اليمەنت تولەۋدەن جالتارىپ جۇرگەن اتا-انالار سانى 12 مىڭنان اسقان. ايتالىق قىركۇيەك ايىندا 10 كۇن ىشىندە بورىشكەرگە قاتىستى اكىمشىلىك ءىس-قوزعالىپ، ناتيجەسىندە 8 ادام قاماۋعا الىنىپ، ودان بولەك 3 جاۋاپكەرشىلىگى جوق اكەگە اكىمشىلىك ايىپپۇل سالىنعان. وتباسىلىق كىشىگىرىم داۋدان، ۇلكەن مەملەكەتتىك ماسەلەگە اينالىپ وتىرعان بۇنداي كيكىلجىڭدەر قوعام مەن بالا تاربەسىنە دە كەرى اسەرى وراسان زور»، - دەيدى تاراز قالاسى پروكۋراتۋراسىنىڭ ءبولىم باستىعى نۇرسۇلتان تىلەشوۆ.

جاۋاپتىلاردىڭ ايتۋىنشا، بورىشكەرلەردىڭ ءوز مىندەتتەرىنەن جالتارۋىنا باستى سەبەپ – جۇمىسسىزدىق. سونداي-اق، اتا-انالاردىڭ جاۋاپكەرشىلىگىن ارتتىرۋ ماقساتىندا قالا كوشەلەرىنە ارنايى بيلبوردتار ىلىنسە، لەد ەكرانداردان وتباسىلىق ۆيدەو جازبالار كورسەتىلىپ ءجۇر.

 

سوڭعى جاڭالىقتار