18 قازان, 11:02 371 0 الەۋمەت انار لەپەسوۆا

كوپبالالى ۇيلەرگە ىس ءيىسىن انىقتايتىن قۇرىلعى ورناتىلۋدا

كوكشەتاۋدا كوپبالالى وتباسىلار تۇراتىن جەكە ۇيلەرگە ىس ءيىسىن انىقتايتىن سەنسور قۇرىلعى ورناتىلۋدا، دەپ حابارلايدى وڭىرلىك تجد ءباسپاسوز قىزمەتى.

ۆەدومستۆونىڭ مالىمەتىنشە، 15 تامىزدان باستاپ، بۇگىنگە دەيىن كوكشەتاۋ قالاسىندا ءورت قاۋىپسىزدىگى قامتاماسىز ەتۋ بويىنشا الدىن الۋ شاراسى وتكىزىلىپ جاتىر.

«تجد ءورت ءسوندىرۋ جانە اپاتتى-قۇتقارۋ جۇمىستارى قىزمەتى مەن كوكشەتاۋ قالالىق تجب قىزمەتكەرلەرى بىرلەسىپ، جەكە تۇرعىن ۇيلەردىڭ ارالاۋدا. ءبىرىنشى كەزەكتە ىس ءيىسىن انىقتايتىن داتچيكتەردى كوپبالالى، از قامتىلعان وتباسىلارعا جانە مۇمكىندىگى شەكتەۋلى جانداردىڭ ۇيلەرىنە ورناتىلۋدا. سونداي-اق، ولارمەن ءورت قاۋىپسىزدىگىن ساقتاۋ تۋرالى ءتۇسىندىرۋ جۇمىستارى جۇرگىزىلەدى»، - دەيدى ۆەدومستۆونىڭ ءباسپاسوز قىزمەتىندەگىلەر.

ايتا كەتۋ كەرەك، كوكشەتاۋ قالالىق توتەنشە جاعدايلار باسقارماسىنىڭ دەرەگى بويىنشا جىلۋ ماۋسىمى كەزىندە ادام ءولىمى نەگىزىنەن پەشتەن، ىس تيۋدەن بولادى. وسىنداي توتەنشە جاعدايلاردى بولدىرماۋ ماقساتىندا 2018-2019 جىلدارى الەۋمەتتىك جاعىنان از قامتىلعان وتباسىلار تۇراتىن جەكە تۇرعىن ۇيلەرگە ىس ءيىسىن انىقتايتىن 48 داتچيك ورناتىلعان. جىل سوڭىنا دەيىن تاعى 15-ءىن ورناتۋ جوسپارلانعان. بۇل جۇمىستار اكىمدىكپەن بىرلەسىپ اتقارىلۋدا.

 

سوڭعى جاڭالىقتار