17 قازان, 20:50 379 0 جاڭالىقتار انار لەپەسوۆا

تارازداعى ەكى ۋنيۆەرسيتەت بىرىكتى

تارازداعى م.ح.دۋلاتي اتىنداعى تاراز مەملەكەتتىك ۋنيۆەرسيەتەتى مەن تاراز مەملەكەتتىك پەدوگوگيكالىق ۋنيۆەرسيتەتى بىرىكتى. بۇل تۋرالى جامبىل وبلىسى بويىنشا وڭىرلىك كوممۋنيكاتسيالار قىزمەتىنىڭ «فەيسبۋكتاعى» پاراقشاسىندا جاريالاندى.

«قازاقستان رەسپۋبليكاسى ۇكىمەتىنىڭ 2019 جىلعى 11 قازانداعى № 752 قاۋلىسى بويىنشا قازاقستان رەسپۋبليكاسى ءبىلىم جانە عىلىم مينيسترلىگىنىڭ «تاراز مەملەكەتتىك پەداگوگيكالىق ۋنيۆەرسيتەتى« مەن قازاقستان رەسپۋبليكاسى ءبىلىم جانە عىلىم مينيسترلىگىنىڭ «م. ح. دۋلاتي اتىنداعى تاراز مەملەكەتتىك ۋنيۆەرسيتەتى« بىرىگۋ ارقىلى «م. ح. دۋلاتي اتىنداعى تاراز وڭىرلىك ۋنيۆەرسيتەتى« كوممەرتسيالىق ەمەس اكتسيونەرلىك قوعامى بولىپ قايتا قۇرىلادى»،-دەلىنگەن قاۋلى ماتىنىندە.

«ەلباسىنىڭ تاپسىرماسىنا بايلانىستى ءار ايماقتا ءبىر جەتەكشى جوعارى وقۋ ورنى بولادى. بىرىكتىرۋدىڭ نەگىزىندە ماتەريالدىق-تەحنيكالىق، وقۋ-زەرتحانالىق بازا داميدى، عىلىمي پوتەنتسيال وسەدى دەپ كۇتىلۋدە. تارمۋ – ايماقتاعى ءبىلىمنىڭ، عىلىمنىڭ، مادەنيەتتىڭ، رۋحاني بايلىقتىڭ ورتالىعىنا، مەملەكەتتىك جاستار ساياساتىنىڭ كوشباسشىسىنا اينالادى دەپ ويلايمىن»،-دەيدى م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ رەكتورى ماحمەتعالي سارىبەكوۆ.

 

سوڭعى جاڭالىقتار