15 قازان, 15:19 359 0 جاھان انار لەپەسوۆا

تانىمال ءانشى ەرسى قىلىعى ءۇشىن ساحناعا شىعۋ قۇقىعىنان ايرىلدى

وزبەكتىڭ تانىمال ءانشىسى جاحونگير وتاجونوۆ ليتسەنزياسىنان ايىرىلدى، دەپ حابارلادى "ۋزبەككونتسەرت".

ول ەندى وزبەكستاندا كونتسەرت بەرە المايدى.

"جاحونگير وتاجونوۆ مورال ءسوزىن ۇمىتقان. ول قاسيەتتى رامازان ايىندا ەتيكا مەن ۇلتتىق ءداستۇردى بۇزدى", - دەلىنگەن مەكەمە تاراتقان حابارلامادا.

ءانشىنىڭ ءوزى جاقىندا ۆيدەوۇندەۋ جاريالاپ، "ماعان ءبارىبىر" دەپ مالىمدەگەن.

"قالاساڭىزدار مەنىڭ ليتسەنزيامنان ايىرىڭىزدار. ولاي ىستەۋگە سىزدەردىڭ قۇقىقتارىڭىز بار", - دەدى جاحونگير وتاجونوۆ.

ەستەرىڭىزگە سالا كەتەيىك، وسىعان دەيىن الەۋمەتتىك جەلىدە ءانشىنىڭ تويدا توبەسىنەن اقشا جاۋدىرعانى جايلى ۆيدەو تاراعان بولاتىن. وعان قوناقتار تاڭعالعان. بۇل وقيعا الەۋمەتتىك جەلىدە قىزۋ تالقىعا ءتۇستى.

 

سوڭعى جاڭالىقتار