14 قازان, 15:48 462 0 قاۋىپسىزدىك دينارا مىڭجاسارقىزى

وزبەكستاننىڭ ارنايى قىزمەتى قۇراندى شەتەلگە ساتقىزبادى

وزبەكستان مەملەكەتتىك قاۋىپسىزدىك قىزمەتى ەسكى قۇراندى قىرعىزستان ازاماتىنا 150 مىڭ دوللارعا ساتقىسى كەلگەن بۇحارالىقتى ۇستادى.

جەرگىلىكتى اقپارات قۇرالدارىنىڭ حابارلاۋىنشا، بۇحارانىڭ 49 جاستاعى تۇرعىنى فاررۋح شاراپوۆ 150 مىڭ دوللار العان سوڭ، قۇراندى قىرعىزستانعا جەتكىزۋگە كەلىسكەن.

مادەنيەت مينيسترلىگى ساراپشىلارى كىتاپ XVI عاسىردا جازىلعانىن، كەيىن ونى XIX عاسىردىڭ اياعى – XX عاسىردىڭ باسىندا قايتا تۇپتەگەنىن انىقتادى.

ارنايى قىزمەت مالىمەتى بويىنشا، بەس عاسىرلىق تاريحى بار قۇندى جازبا 1,8 ميلليارد سۋم (شامامەن 190 مىڭ دوللار) تۇرادى. تەرگەۋ ءجۇرىپ جاتىر.

تاريحي جادىگەر وزبەكستان مەملەكەتتىك مۇراجايعا وتكىزىلەدى.

سوڭعى جاڭالىقتار