12 قازان, 16:30 289 0 زاڭ انار لەپەسوۆا

الماتىدا ساۋدا ۇيىنەن نوۋتبۋك ۇرلاعان بويجەتكەن ۇستالدى

الماتى پوليتسەيلەرى ساۋدا ۇيىندە نوۋتبۋكتاردى ۇرلاۋ كەزىندە بەينەباقىلاۋ كامەراسىنا ءتۇسىپ قالعان قىزدى ۇستادى. بۇل تۋرالى قالالىق پوليتسيا دەپارتامەنتى حابارلادى.

"بىرنەشە كۇن بۇرىن الەۋمەتتىك جەلىدە Lenovo ماركالى ەكى نوۋتبۋكتى ۇرلاعان جاس قىزدىڭ سۋرەتى جاريالاندى. ۇرلىقشى وسىلايشا دۇكەنگە 300 مىڭ تەڭگە كولەمىندە ماتەريالدىق شىعىن كەلتىردى. ول بۇنداي قىلمىستى ءىرى ساۋدا ۇيىندەگى ەلەكترونيكا جانە تۇرمىستىق تەحنيكا دۇكەندەرىندە جاساعان", - دەپ حابارلادى الماتى قالالىق پوليتسيا دەپارتامەنتى كريمينالدىق پوليتسيا باسقارماسىنىڭ باسشىسى جانبولات زيادين.

ماماننىڭ مالىمەتىنشە، ۇرلىقشىنىڭ كىم ەكەنى انىقتالدى. ول الماتى وبلىسىنىڭ تۋماسى،1999 جىلى تۋعان ت. ەسىمدى ازامات بولىپ شىقتى. بۇل قىزدىڭ الماتى قالاسىندا تۇراتىنى، بۇعان دەيىن قىلمىستىق جاۋاپقا تارتىلماعانى بەلگىلى بولدى. ۇرلىقشى قىز ۇستالدى. قازىر تەرگەۋ ونىڭ وسىعان ۇقساس قىلمىستارعا قاتىسى بار-جوعىن انىقتاۋدا. قىلمىستىق كودەكستىڭ 188 ء–شى (ۇرلىق) بابىمەن سوتقا دەيىنگى تەرگەۋ جۇرگىزىلىپ جاتىر.

سوڭعى جاڭالىقتار