12 قازان, 13:56 277 0 زاڭ انار لەپەسوۆا

ماڭعىستاۋ وبلىسىندا جەردى زاڭسىز تاراتقان شەنەۋنىك ۇستالدى

ماڭعىستاۋ وبلىسى تۇپقاراعان اۋداندىق جەر قاتىناستارى ءبولىمى باسشىسىنىڭ مىندەتىن اتقارۋشى قىزمەتتىك جالعاندىق جاسادى دەگەن كۇدىككە ءىلىندى. بۇل تۋرالى قر سىبايلاس جەمقورلىققا قارسى ءىس-قيمىل اگەنتتىگى حابارلادى. 

«ماڭعىستاۋ وبلىسىنىڭ سىبايلاس جەمقورلىققا قارسى قىزمەتى تۇپقاراعان اۋداندىق جەر قاتىناستارى ءبولىمى باسشىسىنىڭ مىندەتىن اتقارۋشىعا قاتىستى قىزمەتتىك جالعاندىق جاسادى دەگەن كۇدىكپەن سوتقا دەيىنگى تەرگەۋدى باستادى»، - دەدى ۆەدومستۆودان.

ول ءىس جۇزىندە وتپەگەن جەر كوميسسياسىنىڭ حاتتاماسىنان جالعان ءۇزىندى كوشىرمەلەردى بەرۋ جولىمەن، جەردى ساتۋ بويىنشا ساۋدا-ساتتىق (كونكۋرستار، اۋكتسيوندار) وتكىزبەي نەمەسە جالعا الۋ قۇقىعىنسىز ۋچاسكەلەردى بەرىپ كەلگەن. وعان جالپى سوماسى 62 ملن تەڭگەگە 22 جەكە جانە زاڭدى تۇلعاعا جەر ۋچاسكەلەرىن تاراتتى دەگەن ايىپ تاعىلىپ وتىر. «سوتقا دەيىنگى تەرگەۋ جالعاسۋدا. كۇدىكتىگە قاتىستى ونىڭ كىنالىلىك دارەجەسىن انىقتاۋمەن تۇپكىلىكتى شەشىمدى سوت شىعارادى»، - دەپ قوستى قر سىبايلاس جەمقورلىققا قارسى ءىس-قيمىل اگەنتتىگىنەن.

 

سوڭعى جاڭالىقتار