11 قازان, 14:56 267 0 جاھان انار لەپەسوۆا

لاڭكەستەر اۋعانستاندى جارىقسىز قالدىردى

ارام پيعىلدىلار كابۋلدىڭ سولتۇستىگىندەگى سالانگ مويناعىندا جاساندى جارىلعىش زاتتارمەن تاجىكستاننان كەلەتىن ەلەكتر جەلىلەرىن زاقىمداعان. سالدارىنان بىرنەشە پروۆينتسيا مەن ەل استاناسى جارىقسىز قالدى، دەپ حابارلايدى "الماتى" ارناسى. 

بۇگىندە جاۋاپتىلار ەلەكتر جەلىسىن قالپىنا كەلتىرىپ قويىپتى. الايدا ول ۋاقىتشا شەشىم عانا. ويتكەنى تاليباندار ەلەكتر باعاندارىن قايتا بۇزۋى مۇمكىن. بۇل – ەكى ەل اراسىندا ەجەلدەن شەشىمىن تاپپاي كەلە جاتقان ماسەلە. اۋعانستان بيلىگى جاعدايدى باقىلاۋدا ۇستاي المايتىن كورىنەدى. سوندىقتان وسىنداي جاعدايلار ءجيى ورىن الىپ تۇرادى.

تاجىكستان جارتى عاسىرعا جۋىق روگۋن گەس-ءنىڭ قۇرىلىسىن دا ەلەكتر ەنەرگياسىن ەكسپورتتاۋ ءۇشىن جۇرگىزىپ كەلەدى. جاقىندا عانا 2-گيدرو اگرەگاتتى ىسكە قوسىپ، توق ءوندىرۋدىڭ كولەمىن ارتتىرعان ەدى. روگۋنداعى التى اگرەگاتتىڭ كۇشى بۇكىل تمد ەلدەرىن ەلەكتر ەنەرگياسىمەن قامتاماسىز ەتۋگە قاۋقارلى. الايدا، كورشى مەملەكەتتەگى ىشكى پروبلەمالار ەكسپورتقا توسقاۋىل بولۋدا.

سوڭعى جاڭالىقتار