11 قازان, 11:58 274 0 جاھان انار لەپەسوۆا

قاسىم-جومارت توقاەۆتىڭ اشحابادقا ساپارى باستالدى

قازاقستان پرەزيدەنتى قاسىم-جومارت توقاەۆ تمد مەملەكەتتەرى باسشىلارى كەڭەسىنىڭ وتىرىسىنا قاتىسۋ ءۇشىن اشحابادقا كەلدى، دەپ حابارلايدى پرەزيدەنتتىڭ ءباسپاسوز حاتشىسى. 

«قازاقستان پرەزيدەنتى تۇرىكمەنستان باسشىسى گۋربانگۋلى بەردىمۇحامەدوۆپەن كەزدەسەدى دەپ جوسپارلانعان. تمد ەلدەرى باسشىلارىنىڭ سامميتىندە مەملەكەت باسشىسى ۇيىمدى ودان ءارى دامىتۋ بويىنشا ءوزىنىڭ كوزقاراسىن ءبىلدىرىپ، دوستاستىق ەلدەرىنىڭ ءوزارا ەكونوميكالىق بايلانىستارىن ارتتىرۋ شارالارى بويىنشا ناقتى ۇسىنىستارىن ايتپاق»، - دەپ جازدى بەرىك ءۋالي Facebook پاراقشاسىندا.

كەڭەس وتىرىسىنىڭ قورىتىندىسى بويىنشا اشحابادتا بىرقاتار كوپجاقتى كەلىسىمدەرگە قول قويىلاتىنى كۇتىلەدى. سونداي-اق، ەكىنشى دۇنيەجۇزىلىك سوعىستاعى جەڭىستىڭ 75 جىلدىعىنا وراي تمد حالقىنا جانە الەمدىك قوعامداستىققا ۇندەۋ جاريالانباق.

تمد مەملەكەتتەرى باسشىلارى كەڭەسىنىڭ وتىرىسى بۇگىن، 11 قازان كۇنى وتەدى.

 

سوڭعى جاڭالىقتار