9 قازان, 21:48 199 0 ساياسات انار لەپەسوۆا

مەملەكەت باسشىسى دۇنيەجۇزىلىك تۋريزم ۇيىمىنىڭ باس حاتشىسىمەن كەزدەستى

مەملەكەت باسشىسى دۇنيەجۇزىلىك تۋريزم ۇيىمىنىڭ باس حاتشىسى زۋراب پولوليكاشۆيليمەن كەزدەستى. كەزدەسۋدە قاسىم-جومارت توقاەۆ بۇۇ دۇنيەجۇزىلىك تۋريزم ۇيىمىنىڭ قالا تۋريزمىنە ارنالعان «اقىلدى قالالار، اقىلدى مەكەندەر» عالامدىق ءسامميتىنىڭ قازاقستان استاناسىندا وتكىزىلۋىنىڭ ماڭىزدىلىعىن اتاپ ءوتتى، دەپ حابارلايدى اقوردا. 

– ءسىزدىڭ ساپارىڭىزدىڭ ءمانى زور دەپ سانايمىن. دۇنيەجۇزىلىك تۋريزم ۇيىمىنىڭ سەگىزىنشى عالامدىق ءسامميتىن وتكىزۋگە نۇر-سۇلتان قالاسىنىڭ كانديداتۋراسىنا قولداۋ بىلدىرگەنىڭىز ءۇشىن سىزگە ريزاشىلىعىمدى بىلدىرەمىن. قازاقستان ءۇشىن ءتۋريزمدى، سونىڭ ىشىندە ەكوتۋريزمدى جانە قالا ءتۋريزمىن دامىتۋ اسا ماڭىزدى. سوندىقتان ءبىز ءسىزدىڭ ۇيىمىڭىزبەن ىنتىماقتاستىق ورناتۋعا نيەتتىمىز، – دەدى قازاقستان پرەزيدەنتى.

زۋراب پولوليكاشۆيلي مەملەكەت باسشىسىنا قابىلداعانى ءۇشىن العىس ايتىپ، جەرگىلىكتى تۋريزم يندۋسترياسىن دامىتۋ باعىتىندا بۇۇ دۇنيەجۇزىلىك تۋريزم ۇيىمى قازاقستانمەن ءوزارا ءىس-قيمىلدارعا ەرەكشە ءمان بەرەتىنىن اتاپ كورسەتتى.

سوڭعى جاڭالىقتار