9 قازان, 10:55 210 0 جاھان انار لەپەسوۆا

پەچەنەنىڭ ىشىنەن شىرىگەن ءتىس تابىلدى

انگلياداعى گلوستەرشير گرافتىعىنىڭ دارىگەرى پەچەنەدەن ادامنىڭ ءتىسىن تاپتى. كەلەڭسىز وقيعا جايلى  The Sun باسىلىمى جازدى. 

90 جاستاعى دجوردج بەردۆۋد كۇن سايىن تاڭەرتەڭ شايمەن پەچەنە جەپ جۇرگەن. الايدا ءبىر كۇنى ءتاتتىنى جەگەن كەزدە قاتتى زاتتى سەزگەن. كەيىن ونىڭ ءتىس ەكەنىن كورىپ، جاعاسىن ۇستادى. دارىگەر ءتىس ءشىرىپ، تۇبىمەن تۇسكەنىن ايتادى.

دجوردج بەردۆۋد پەچەنەنىڭ ىشىنەن شىققان ءتىس 50 جاستاعى ايەلدىكى دەگەن ويدا. ول پەچەنەنى دايىنداعان كەزدە ءتىس ۇنعا ءتۇسىپ كەتۋى مۇمكىن دەپ وتىر.

زەينەتكەر ءونىمدى دايىنداعان كومپانياعا حات تا جازىپتى. الايدا ءجوندى جاۋاپ الا الماعان.

"تاماقتىڭ قاۋىپسىز بولۋى – باستى مىندەتىمىز. ءبىز تۇتىنۋشىلاردىڭ ارىزىنا ۇلكەن جاۋاپكەرشىلىكپەن قارايمىز، - دەلىنگەن حابارلامادا.

كومپانيا وكىلدەرى دارىگەرمەن سويلەسكەنىن، تەكسەرۋ جۇمىسىن جۇرگىزۋ ءۇشىن ءتىستى جىبەرۋىن سۇراعان.

 

سوڭعى جاڭالىقتار