8 قازان, 21:50 317 0 ءبىلىم انار لەپەسوۆا

بعم: ءبىلىم بەرۋ گرانتتارىن ءبولۋ ىسىنە ەشكىم ارالاسا المايدى

كيبەرشابۋىلداردى زەرتتەۋ جانە تالداۋ ورتالىعىنىڭ (تساركا) وكىلدەرى ءبىلىم بەرۋ گرانتتارىن ءبولۋ ءراسىمىن تەكسەرىپ، ءوز قورىتىندىسىن شىعاردى. بۇل تۋرالى ءبىلىم جانە عىلىم مينيسترلىگىنىڭ ءباسپاسوز قىزمەتى حابارلادى. 

«قازاقستان رەسپۋبليكاسى ءبىلىم جانە عىلىم مينيسترلىگىنىڭ «ۇلتتىق تەستىلەۋ ورتالىعى» باكالاۆريات جانە ماگيستراتۋرا بويىنشا ءبىلىم بەرۋ گرانتتارىن بولۋگە جاۋاپ بەرەتىن اقپاراتتىق جۇيەنىڭ باستاپقى كودتارىن تساركا ماماندارىنا تەكسەرۋگە بەرگەن بولاتىن. تەكسەرۋ ناتيجەلەرى بويىنشا، گرانتتاردى ءبولۋ ۇردىسىنە بوتەن ادام ارالاسا المايتىندىعى انىقتالدى. اتالعان تەكسەرۋ گرانتتاردى ءبولۋدىڭ جاريالانعان ناتيجەلەرى باعدارلاما بەرگەن دەرەكتەرمەن تولىق سايكەس كەلەتىنىن كورسەتتى. وسىلايشا، گرانتتاردى ءبولۋ تۋرالى دەرەكتەر تىزىمدەر جاسالعان ساتتەن باستاپ ناتيجەلەر جاريالانعان ساتكە دەيىن ءوز تۇتاستىعى مەن قۇپيالىلىعىن ساقتاپ قالعان دەپ سەنىممەن ايتۋعا بولادى»، دەلىنگەن حابارلامادا.

تساركا ماماندارى تىزىمدەردى قالىپتاستىرۋعا جاۋاپ بەرەتىن اقپاراتتىق جۇيەگە بوگدە ادامدار ارالاسپاعان دەگەن قورىتىندىعا كەلدى. ايتا كەتكەن ءجون، اتالعان تەكسەرۋ جۇمىستارى بارىسىندا 76 009 قاتىسۋشى اراسىندا 58 126 گرانتتى تاعايىنداۋ ءۇردىسى تەكسەرىلگەن

سوڭعى جاڭالىقتار