8 قازان, 18:30 256 0 ىشكى ساياسات دينارا مىڭجاسارقىزى

ەلباسى جۇرىنوۆتى قابىلدادى

ەلباسى ن.نازارباەۆ ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆتى قابىلدادى. كەزدەسۋ بارىسىندا تۇڭعىش پرەزيدەنت عىلىم سالاسىنداعى تۇيتكىلدەر جايىندا اڭگىمە ءوربىتىپ، حالىقارالىق ارىپتەستىك تۋرالى تالقىعا سالدى.  

– ءبىز حالىقارالىق اليانس ورتاسىنا ءتۇسۋ جونىندەگى جۇمىستاردى جۇزەگە اسىرۋدامىز. قازىر جاس عالىمداردىڭ شەتەلدە تاجىريبەدەن ءوتۋ مۇمكىندىگىنە يە بولاتىن كەلىسىمدەرگە قول قويىلۋدا، – دەدى اكادەميك م.جۇرىنوۆ.

سونداي-اق، ەلباسى نۇرسۇلتان نازارباەۆتى قر ۇلتتىق عىلىم اكادەمياسى اليانستىڭ «جول جانە بەلبەۋ» حالىقارالىق عىلىمي ۇيىمنىڭ قىزمەتى اياسىنداعى جۇمىستارمەن تانىستىردى.

«بىلتىر پەكين قالاسىندا عىلىم ۇيىمدارىنىڭ ەڭ ءىرى اليانسى قۇرىلدى. وعان 47 مەملەكەتتىڭ اكادەمياسى كىردى. ءبىز دە وسى اليانستىڭ ءبىر مۇشەسى بولدىق. سونىڭ ناتيجەسىندە ءبىزدىڭ عالىمدار الەمدىك مەگاجوبالاردا ءارتۇرلى باعىتتا جۇمىس ىستەيتىن قوسىمشا مۇمكىندىكتەرگە يە بولدى» دەدى م.جۇرىنوۆ.

سوڭعى جاڭالىقتار