8 قازان, 10:04 222 0 قاۋىپسىزدىك انار لەپەسوۆا

يتالياعا جەتۋگە اسىققان ميگرانتتار قايىعى سۋعا كەتتى

يتاليانىڭ لامپەدۋزا ارالىنىڭ جاعالاۋىندا ميگرانتتار مىنگەن قايىق سۋعا كەتىپ، 9 ادام كوز جۇمدى.

قۇتقارۋشىلار 20 ميگرانتتى امان الىپ قالدى. تاعى ونداعان ادام ءىز-ءتۇسسىز جوعالىپ كەتكەن. ولاردى ىزدەستىرۋ وپەراتسياسىن اۋا رايىنىڭ قولايسىزدىعى مەن قۇتقارۋشىلاردىڭ تاپشىلىعى قيىنداتىپ وتىر. قايىقتا افريكا ەلدەرىنىڭ ازاماتتارى وتىرعان. ولار جەرورتا تەڭىزىمەن يتالياعا جەتپەك بولعان. شامامەن سول ۋاقىتتا جەرورتا تەڭىزىندە تاعى ءبىر قۇتقارۋ وپەراتسياسى جۇرگىزىلگەن. ناتيجەسىندە يسپاندىق ماماندار تەڭىزگە اعاش قايىقپەن شىققان 40 ميگرانتتى امان الىپ قالعان.

سوڭعى جاڭالىقتار