7 قازان, 17:15 244 0 الەۋمەت انار لەپەسوۆا

ەلوردادا سىنىپ توبەسىنەن قۇلاعان سىلاقتان ءبىر وقۋشى زارداپ شەكتى

نۇر-سۇلتاندا مەكتەپتىڭ توبەسىنەن سىلاق پەن جارىق شامى جەرگە ءتۇسىپ، ءبىر وقۋشى زارداپ شەكتى، دەپ حابارلايدى  قالالىق ءبىلىم باسقارماسى.

وقيعا  №71 مەكتەپ-ليتسەيدىڭ ءبىرىنشى اۋىسىمىندا بولعان. «№71 مەكتەپ-ليتسەيدىڭ ءۇشىنشى قاباتىنداعى كابينەتتىڭ توبەسىندەگى سىلاق پەن جارىق بەرەتىن شام جەرگە تۇسكەن. سالدارىنان ءبىر وقۋشى زارداپ شەكتى. وعان №2 قالالىق اۋرۋحانادا تەكسەرۋ جۇرگىزىلدى جانە ۇيىنە قايتارىلدى. ودان باسقا ەشكىم جاپا شەككەن جوق»، – دەلىنگەن باسقارمانىڭ رەسمي مالىمدەمەسىندە.

قازىر قالالىق ءبىلىم باسقارماسى توتەنشە جاعدايلار دەپارتامەنتىمەن بىرلەسىپ، كابينەتتى تەكسەرىپ جاتىر. «وقيعانىڭ سەبەبى تەكسەرۋدەن كەيىن جاريالانادى. مەكتەپتىڭ بارلىق كابينەتتەرىنە تەحنيكالىق تەكسەرۋ جۇرگىزىلەدى. مۇنداي جاعدايدىڭ الدىن الۋ ءۇشىن بارلىق ءبىلىم نىساندارى تەكسەرىلەدى»، – دەپ حابارلادى قالالىق ءبىلىم باسقارماسىنىڭ ءباسپاسوز حاتشىسى جازيرا اسانوۆا.

سوڭعى جاڭالىقتار