7 قازان, 12:55 249 0 قاۋىپسىزدىك انار لەپەسوۆا

نيۋ-يورك سوتى ابىليازوۆقا قاتىستى قانداي شەشىم قابىلدادى؟

نيۋ-يوركتەگى سوت قاراۋى بۇدان ءتورت جىل بۇرىن الماتى قالاسى اكىمدىگىنىڭ جانە ورتاق تالاپكەر بتا بانكتىڭ مۇحتار ءابىليازوۆ پەن ونىڭ قىلمىستىق سىبايلاستارىن قۇراما شتاتتاردا ۇرلانعان اقشا قاراجاتىنىڭ ءىزىن جاسىردى دەپ ايىپتاعان تالاپ-ارىزى بويىنشا قوزعالعان بولاتىن.

سول كەزدەن بەرى الماتى اكىمدىگى ءابىليازوۆتىڭ جاساعان قىلمىستارىن راستايتىن ەلەۋلى دالەلدەمەلەر جينادى، سونداي-اق سول قىلمىستاردىڭ كوپتەگەن كۋالارىنىڭ جاۋاپتارىن الدى. قاراۋدىڭ سوتقا دەيىنگى ساتىسى قازىرگى ۋاقىتتا اياقتالۋعا جاقىن، جانە الماتى اكىمدىگى اقش القابيلەر سوتىنىڭ الدىنداعى سوت قاراۋى 2020 جىلى وتەدى دەپ سانايدى.

نيۋ-يورك سوتىنىڭ 2019 جىلعى 30 قىركۇيەكتەگى شەشىمى وسى سوت قاراۋىن ەداۋىر جەڭىلدەتەدى. بۇل ءىس 2015 جىلى ءبىرىنشى رەت قوزعالعان كەزدە الماتى اكىمدىگى جانە ورتاق تالاپكەر بتا بانك تالاپتارىنىڭ قاتارىنا نيۋ-يوركتەگى Flatotel دەگەن اتپەن بەلگىلى جىلجىمايتىن مۇلىكتى قايتارۋعا نەگىزدەلگەن «الاياقتىق جولمەن تابىستاۋ» تۋرالى تالاپ-ارىزىن قوسقان.

ءابىليازوۆ پەن ونىڭ سىبايلاستارى الماتى اكىمدىگىنىڭ اكتيۆتەرىن قايتارۋىن بولدىرماۋ ماقساتىندا 2014 جىلى بۇل مۇلىكتى ساتىپ جىبەرگەن. نيۋ-يورك سۋدياسى ءوزىنىڭ شەشىمىندە «الاياقتىق جولمەن تابىستاۋ تۋرالى تالاپ-ارىزدىڭ ءمانى ءىس اياقتالعاندا الماتى اكىمدىگى مەن ورتاق تالاپكەر بتا بانك جەڭىسكە جەتكەن جاعدايدا سوت شەشىمىن ورىنداۋ ءۇشىن Flatotel-گە قول جەتىمدىلىكتى قامتاماسىز ەتۋدە» دەپ ءتۇسىندىردى. الايدا، بىزگە بەلگىلى بولعانداي، 2015 جىلدىڭ سوڭىندا الماتى اكىمدىگى جانە ورتاق تالاپكەر بتا بانك نيۋ-يورك ساۋلەت عيماراتىن سالۋشىسىنىڭ مەنشىگىندەگى جىلجىمايتىن مۇلىكتى وزىنە ءساتتى تۇردە قايتارىپ العان. سوندىقتان وسى اپتادا سۋديا تالاپكەرلەر بۇل تالاپ-ارىزدى ءوز مۇلىگىن وزىنە قايتارىپ الۋ ارقىلى الدەقايدا جەڭىپ قويعاندىقتان الاياقتىق جولمەن تابىستاۋ تۋرالى تالاپ-ارىزدىڭ قاجەتى جوق ەكەندىگى تۋرالى شەشىم قابىلدادى.

سوتتىڭ شەشىمى قانداي دا ءبىر باسقا تالاپتارعا اسەر ەتپەيدى جانە الماتى اكىمدىگى مەن ورتاق تالاپكەر بتا بانك ءىس قاراۋدىڭ سوڭىندا الۋدى ۇمىتتەنىپ وتىرعان زالالدى وتەۋگە اسەر ەتپەيدى.

ودان بولەك، سوت شەشىمى ءابىليازوۆتى نەمەسە ونىڭ سىبايلاستارىن قولدايتىن دالەلدەمەلەرگە ەمەس، تەحنيكالىق قۇقىقتىق ماسەلەگە نەگىزدەلگەن. الماتى اكىمدىگى مەن ورتاق تالاپكەر بتا بانك باياعىسىنشا القابيلەر ءابىليازوۆ پەن ونىڭ سىبايلاستارىنىڭ وسى قىلمىستاردى جاساعاندىعىنا كوزدەرى جەتىپ، وعان قوسا تالاپكەرلەرگە اقشا قاراجاتتارىن، سونىڭ ىشىندە تالاپكەرلەر ءىستىڭ باسىندا ءساتتى تۇردە تىيىم سالعان ونداعان ميلليون دوللاردى قايتاراتىندىعىنا سەنىمدى.

دەرەككوز: قر ادىلەت مينيسترلىگىنىڭ ءباسپاسوز قىزمەتى

سوڭعى جاڭالىقتار