7 قازان, 11:55 544 0 ەكونوميكا انار لەپەسوۆا

ەلىمىزدەگى ەڭ باي ادامداردىڭ تابىسى جاريالاندى

ەلىمىزدە 12 ميلليون ەرەسەك ادام بار. ولاردىڭ 96 پايىزدان استامىنىڭ جالاقىسى جىلىنا 10 مىڭ دوللاردان اسپايدى. بۇل – ارينە قاراپايىم حالىقتىڭ تابىسى. ال قازاقستانداعى ەڭ باي ادامداردىڭ جالاقىسى قانداي؟

Finprom.kz اقپاراتتىق اگەنتتىگىنىڭ حابارلاۋىنشا، ەلىمىزدە 162 ادام جالپى بايلىقتىڭ جارتىسىنا يە. حالىقتىڭ 96,6 پروتسەنتىنىڭ تابىسى جىلىنا 10 مىڭ دوللاردان اسپايدى. ەلىمىزدەگى 326 مىڭ ادام ءبىر جىلدا 10 مىڭ دوللاردان باستاپ 100 مىڭ دوللارعا دەيىن اقشا تابادى. قازاقستانداعى 42 مىڭ ادامنىڭ تابىسى 100 مىڭنان ءبىر ميلليون دوللارعا دەيىن جەتەدى.

سونىمەن قاتار ەلىمىزدە جىلدىق تابىسى 50 ميلليون دوللارعا دەيىن جەتەتىن تۇرعىندار بار. بۇل رەيتينگتە ەرەكشە اتاپ وتەتىن اقپارات، قازاقستانداعى 162 ادام جالپى بايلىقتىڭ 55 پروتسەنتىنە يە. ونىڭ ىشىندە 112 ادام جىلىنا 50-دەن 80 ميلليونعا دەيىن، 45 ادام - 80-نەن 800 ميلليونعا دەيىن جانە بەس ادام ەكىدەن ءۇش ميلليارد دوللارعا دەيىن تابىس تابادى. 2019 جىلدىڭ ەكىنشى توقسانىنداعى اقپارات بويىنشا، حالىقتىڭ ورتاشا تابىسى 169 مىڭ 500 تەڭگەنى قۇرادى. بۇل وتكەن جىلمەن سالىستىرعاندا، 10 پروتسەنتكە ارتىق. ال ايماقتارعا جىكتەسەك، ەڭ كوپ جالاقى الماتى قالاسىندا. ونداعى ايلىق 234 مىڭ تەڭگەدەن اسادى.

جالاقىسى جوعارى وڭىرلەردىڭ قاتارىندا باس قالامىز دا بار. ەلوردالىقتاردىڭ ورتاشا ايلىعى – 226 مىڭ تەڭگە. قاراعاندى وبلىسى ۇزدىك ۇشتىكتى تۇيىندەيدى. ونداعى حالىقتىڭ ورتاشا تابىسى – 199 مىڭ تەڭگە. بۇل تىزىمگە ماڭعىستاۋ جانە شىعىس قازاقستان وبلىستارى كىردى. ال ەلىمىزدىڭ سەگىز وڭىردەگى حالىقتىڭ تابىسى ورتاشا رەسپۋبليكالىق ەسەپتەن تومەن. جالاقىسى از ايماقتار قاتارىندا تۇركىستان (100,4 مىڭ), جامبىل (128,1 مىڭ) جانە قىزىلوردا (137,7 مىڭ) وبلىستارى.

سوڭعى جاڭالىقتار