4 قازان, 14:31 323 0 قاۋىپسىزدىك دينارا مىڭجاسارقىزى

 قۇتقارۋشىلار 55 جاستان زەينەتكە شىعۋى مۇمكىن

 قازاقستاندا قۇتقارۋ قىزمەتىنىڭ قىزمەتكەرلەرىنە 55 جاستان زەينەتكە شىعۋىنا مۇمكىندىك بەرىلمەك. بۇل جايىندا ءماجىلىس دەپۋتاتتارىنىڭ رەسمي ساۋالىنا قر پرەمەر-مينيستر اسقار ماميننىڭ جاۋابىندا ايتىلعان.

ونىڭ اتاپ وتۋىنشە، قر ۇكىمەتىنىڭ 2013 جىلعى 31 جەلتوقسانداعى №1562 قاۋلىسىمەن وندىرىستەردىڭ، جۇمىستاردىڭ، پايداسىنا مىندەتتى كاسىپتىك زەينەتاقى جارنالارىن تولەۋ جونىندەگى اگەنتتەر مەنشىكتى قاراجاتى ەسەبىنەن مىندەتتى كاسىپتىك زەينەتاقى جارنالارىن جۇزەگە اسىراتىن، ەڭبەك جاعدايلارى زياندى جۇمىستارمەن اينالىساتىن جۇمىسكەرلەر كاسىپتەرىنىڭ تىزبەسى بەكىتىلگەن. قازىرگى ۋاقىتتا اتالعان تىزبەگە «قۇتقارۋشى» كاسىبىن قوسۋ ماسەلەسىن قر ىشكى ىستەر مينيسترلىگى ەڭبەك جانە حالىقتى الەۋمەتتىك قورعاۋ مينيسترلىگىمەن بىرگە بەكىتىلگەن تارتىپپەن قاراستىرىپ جاتىر. «اتالعان تىزىمگە «قۇتقارۋشى» كاسىبىن قوسۋ جۇمىس بەرۋشىگە مەنشىكتى قاراجاتى ەسەبىنەن جالاقى قورىنان 5 پايىز مولشەرىندە قۇتقارۋ قىزمەتى قىزمەتكەرلەرىنىڭ پايداسىنا مىندەتتى كاسىپتىك زەينەتاقى جارناسىن تولەۋگە مۇمكىندىك بەرەدى. سونىمەن قاتار ولاردىڭ زەينەت اننۋيتەتى شارتىن جاساسۋ جولىمەن 55 جاستا زەينەتكەرلىككە مەرزىمىنەن بۇرىن شىعۋىن قامتاماسىز ەتەدى»، - دەپ اتاپ وتكەن ۇكىمەت باسشىسى.

سوڭعى جاڭالىقتار