4 قازان, 13:21 362 0 ءبىلىم انار لەپەسوۆا

«ۇزدىك پەداگوگ-2019» بايقاۋىنىڭ جەڭىمپازدارى انىقتالدى

ۇلاعاتتى ۇستازدارىمىزدىڭ كاسىبي مەرەكەسى قارساڭىندا رەسپۋبليكالىق «ۇزدىك پەداگوگ» كونكۋرسىنىڭ جەڭىمپازدارىن سالتاناتتى ماراپاتتاۋ ءراسىمى ءوتتى.

سالتاناتتى شاراعا قازاقستان رەسپۋبليكاسىنىڭ ءبىلىم جانە عىلىم ءمينيسترى اسحات ايماعامبەتوۆ، قوعامدىق ماڭىزى بار باستامالاردى دامىتۋ قورىنىڭ وكىلدەرى، قازاقستان رەسپۋبليكاسى پارلامەنتىنىڭ دەپۋتاتتارى، مۇعالىمدەر مەن ءبىلىم بەرۋ سالاسىنىڭ ارداگەر-ۇستازدارى قاتىستى.

ايتا كەتكەن ءجون، 8 جىل ىشىندە اتالعان بايقاۋعا 35 127 پەداگوگ قاتىسقان، ونىڭ ىشىندە مەكتەپكە دەيىنگى جانە ورتا، تەحنيكالىق جانە كاسىپتىك ءبىلىم بەرۋ جۇيەسىندەگى 432 پەداگوگ 1000 اەك كولەمىندە اقشالاي سىياقىمەن جانە "ۇزدىك پەداگوگ" بەلگىسىمەن ماراپاتتالعان.

ءوز كەزەگىندە، قوعامدىق ماڭىزدى باستامالاردى دامىتۋ قورىنىڭ قۇرىلتايشىسى – ءاليا نازارباەۆا "الەم مۇعالىمى"سىيلىعىنىڭ ىرىكتەۋ تۋرىندا ەل نامىسىن قورعايتىن ون ءبىر مۇعالىمنىڭ ەسىمىن جاريالادى. بيىلعى سالتاناتتى شارانىڭ تاعى ءبىر ەرەكشەلىگى – بايقاۋ جەڭىمپازدارىن قۇتتىقتاۋمەن قاتار جەڭىمپازداردىڭ بىرىنە قوعامدىق ماڭىزى بار باستامالاردى دامىتۋ قورىمەن "قازاقستان مۇعالىمى" سىيلىقاقىسى بەرىلدى. اتالعان سىيلىقاقى نۇر-سۇلتان قالاسىنداعى دارىندى ەر بالالارعا ارنالعان ء"بىلىم-يننوۆاتسيا" ليتسەي ينتەرناتىنىڭ ماتەماتيكا ءپانىنىڭ مۇعالىمى گۋل مۋاممەر مىرزاعا تابىستالدى.

سونداي-اق، پەداگوگتارعا ارنالعان نوبەل سىيلىعىنىڭ بالاماسى بولىپ سانالاتىن "الەم مۇعالىمى" جاھاندىق پرەمياسىنىڭ ىرىكتەۋ تۋرىنا قاتىسۋعا جۇمىستارى باعىتتالاتىن تاعى دا ون ۇستازدىڭ ەسىمدەرى اتالدى. "الەم مۇعالىمى" حالىقارالىق بايقاۋى دۋبايدا 2020 جىلدىڭ ناۋرىز ايىندا وتكىزىلەتىن بولادى.

«ۇزدىك پەداگوگ-2019» رەسپۋبليكالىق كونكۋرسى جەڭىمپازدارىنىڭ تىزىمىمەن مىنا سىلتەمە ارقىلى تانىسا الاسىزدار:

http://edu.gov.kz/kz/news/detail.php?ELEMENT_ID=12191&#

 

 

سوڭعى جاڭالىقتار