3 قازان, 22:02 351 0 ايماق انار لەپەسوۆا

اقتوبەدە جەكە ءۇي سالۋعا جەر بەرىلمەيتىن بولدى

اقتوبەدە جەكە تۇرعىن ءۇي سالۋعا جەر تەلىمىن بەرۋ توقتاتىلدى. بۇعان ءتيىستى كوممۋنالدىق جەلىلەردىڭ بولماۋى سەبەپ. بۇعان دەيىن قولدانىسقا بەرىلگەن اۋدان تۇرعىندارى كوگىلدىر وتىن، اۋىزسۋ مەن ەلەكتر جارىعىنا قول جەتكىزە الماي وتىر، دەپ حابارلايدى 24.kz.

قازىر 20-دان استام ەلدىمەكەندە تۇرمىستىق وركەنيەتتىڭ بەلگىسى دە جوق. وسىعان وراي جەرگىلىكتى بيلىك جاڭا جەر تەلىمدەرىن ءبولۋدى دوعارا تۇرۋ تۋرالى شەشىم قابىلداعان. ءبىرىنشى كەزەكتە ىرگەتاسى قالانىپ، باسپانا سالۋدى باستاپ كەتكەن ۇيلەردى ورتالىق جۇيەگە قوسۋ كەرەك. بۇل ماقساتتا جوبالىق-سمەتالىق قۇجاتتار دا دايىن. قاراجات بولىنسە، قۇرىلىس جۇمىستارى كەشىكپەي باستالادى. ورتاشا ەسەپپەن 27 ميلليارد تەڭگە قاجەت. قازىر اقتوبە قالاسىندا جەكە تۇرعىن ءۇي قۇرىلىسىنا جەر تەلىمىن الۋعا 146 مىڭنان استام ازامات كەزەكتە تۇر.

جانىبەك قابىلوۆ، قالالىق جەر قاتىناستارى، ساۋلەت جانە قالا قۇرىلىسى ءبولىمىنىڭ سەكتور مەڭگەرۋشىسى:

- بيىلعا جەكە تۇرعىن ءۇي قۇرىلىسى ءۇشىن ون مىڭ جەر ۋچاسكەسىن تابىستاۋ جوسپارلانعان بولاتىن. الايدا كوممۋنيكاتسيالىق جەلىلەردىڭ بولماۋىنا بايلانىستى توقتالىپ تۇر. جىل باسىنان باستاپ بەس مىڭ ادام كەزەككە تۇردى. كەزەككە قويۋ توقتاتىلعان جوق. دايىن ۋچاسكەلەر بولعاندا كوممۋنيكاتسياسى بار، جاڭادان بەرىلە باستايدى.

سوڭعى جاڭالىقتار