3 قازان, 12:00 367 0 سپورت انار لەپەسوۆا

ۇزىلگەن ءانۇراندى جالعاپ اكەتكەن قىزداردى ەلوردالىقتار زور قۇرمەتپەن كۇتىپ الدى (ۆيدەو)

نۇر-سۇلتان قالاسىنا جارىستان ورالعان قازاقستاننىڭ قۇراماسىن حالىقپەن بىرگە Nur Otan پارتياسىنىڭ Jas Otan جاستار قاناتى، باق وكىلدەرى، كۇتىپ الدى.

ءۇندىستاننىڭ بەنگالۋرۋ قالاسىندا سۋ سپورتىنان وتكەن جاسوسپىرىمدەر اراسىنداعى ازيا چەمپيوناتىندا قازاقستان قىزدار قۇراماسى ەلگە ورالدى. جارىستا ءبىرىنشى ويىندا سۋ دوبىنان قازاقستان قۇراماسى قىتاي كومانداسىمەن كەزدەستى.

ماتچ ءداستۇرلى تۇردە قارسىلاس ەلدەردىڭ انۇرانىمەن باستالدى. دىبىستىق جابدىقتىڭ تەحنيكالىق اقاۋعا بايلانىستى قازاقستان رەسپۋبليكاسىنىڭ ءانۇرانى 8-سەكۋندتا كەنەتتەن ءۇزىلىپ كەتتى. وسى كەزدە قازاقستان قۇراماسى توسىلىپ قالماي، ءانۇراندى جالعاستىرىپ، تولىعىمەن ايتىپ شىقتى. كورەرمەن ريزا بولىپ، قول سوقتى. قازاقستاندىق قىزداردىڭ ەرلىگىنە ءتانتى بولدى.

سوڭعى جاڭالىقتار