3 قازان, 11:21 352 0 رۋحانيات Túrkistan Gazeti

ءتىل ماماندارى تەرمين ماسەلەسىن تالقىلادى

الماتى قالاسىندا قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتىنىڭ تاپسىرماسىمەن «تەرميندەردى ىرىكتەۋدىڭ كريتەريلەرى مەن پرين­تسيپتەرى» دەگەن تاقىرىپتا رەسپۋبليكالىق ادىستەمەلىك سەمينار ءوتتى. سەميناردى ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى ۇيىمداستىردى.

باسقوسۋدا قر ۇعا كوررەسپوندەنت مۇشەسى، فيلولوگيا عىلىمدارىنىڭ دوكتورى ش.قۇرمانبايۇلى ءوز بايانداماسىندا تەرميندەردى ىرىكتەۋدىڭ كريتەريلەرىن جانە پرينتسيپتەرىن  بەلگىلەۋ ماسەلەسىن كوتەرىپ، ناقتى ۇسىنىستارىن جەتكىزدى. سونداي-اق ا.بايتۇرسىنۇلى اتىنداعى ءتىل ءبىلىمى ينستيتۋتىنىڭ عىلىمي قىزمەتكەرى، فيلولوگيا عىلىمدارىنىڭ دوكتورى ق.كۇدەرينوۆا، قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا جانىنداعى تەرمينولوگيالىق جۇمىس توبىنىڭ مۇشەسى، فيلولوگيا عىلىمدارىنىڭ دوكتورى ق.ايداربەك، ۇلتتىق اۋدارما بيۋروسىنىڭ رەداكتورى، فيلوسوفيا عىلىمدارىنىڭ كانديداتى ءا.قۇرانبەك، ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى قولدانبالى لينگۆيستيكا باسقارماسىنىڭ باسشىسى، فيلولوگيا عىلىمدارىنىڭ كانديداتى س.يتەعۇلوۆالار تەرميندەردىڭ جاسالۋ جول­دارى، ونىڭ قولدانىسى جانە تاعى باسقا ماسەلەلەرى جونىندە تالقىلادى.

رەسپۋبليكالىق ادىستەمەلىك سەميناردىڭ قورىتىندىسى بويىنشا تەرميندەردى ىرىكتەۋ كريتەريلەرىن بەلگىلەۋگە، پرينتسيپتەرىن ايقىنداۋعا باعىتتالعان قارار قابىلداندى.

ب.بالىقباي

سوڭعى جاڭالىقتار