3 قازان, 10:54 745 0 نۇر وتان انار لەپەسوۆا

«حالىق ۇنىنە قۇلاق اساتىن مەملەكەت» قالىپتاستىرۋ جولىندا

جۇيەلى جاڭعىرۋ جولىنا تۇسكەن «Nur Otan» پارتياسى ەلباسىنىڭ ساياسي كەڭەستە جۇكتەگەن تاپسىرمالارى مەن پرەزيدەنت جولداۋىنداعى ماقسات-مىندەتتەردى ورىنداپ، حالىق ارتقان سەنىم ۇدەسىنەن شىعۋ ءۇشىن وڭىرلەردەگى بارلىق قۇرىلىمدارىنا ايرىقشا جاۋاپكەرشىلىك جۇكتەپ وتىر. سوندىقتان ايماقتارداعى فيليالدار زامان تالابىنا ساي جەدەل ارەكەت ەتۋدە. پارتيانىڭ اتىراۋ وبلىستىق فيليالى دا جەرگىلىكتى تۇرعىندارمەن قويان-قولتىق جۇمىس ىستەپ، وڭىردەگى وزەكتى ماسەلەلەردىڭ وڭ شەشىلۋىنە ىقپال ەتۋدە. ايماقتاعى يگى وزگەرىستەر جايلى وبلىستىق فيليال توراعاسىنىڭ ءبىرىنشى ورىنباسارى نۇرلىبەك وجاەۆ بايانداپ بەردى.

– نۇرلىبەك جۇماحمەتۇلى، پارتيا جۇمىسىن جۇيەلى جاڭعىرتۋ قولعا الىن­عالى بەرى كوپ وڭىردە وڭ وزگە­رىس­تەر بايقالادى. اتىراۋ وبلى­سىن­داعى ناتيجەلەر قانداي؟

– اتىراۋ وبلىسىنداعى پارتيا قۇرى­لىمدارى «Nur Otan»-نىڭ سىندارلى سايا­ساتىن، حالىق الدىنداعى مىندەتىنەن جاڭىلماي، جوسپارلى جانە جۇيەلى تۇردە جۇمىس ىستەپ كەلەدى.

جاڭعىرتىلاتىن دەموكراتيالىق سايا­سي جۇيە مەن اشىق اقپاراتتىق قوعام جاع­­دايىندا پارتيالىق كادرلاردىڭ جوعارى باسەكەگە قابىلەتتىلىگىن قامتا­ما­سىز ەتۋ ماقساتىندا كادرلاردىڭ ساپالىق قۇرا­مى­نا تولىق اۋديت جۇرگىزىلدى. پار­تيا­لىق كادرلىق رەزەرۆتى قالىپتاستىرۋ بارى­سىندا 148 ۇمىتكەر ۇسى­نى­لىپ، تەست تاپ­سى­رۋ كەزىندە 133-ءى (79,2%) شەكتى دەڭ­گەيدەن ءوتتى.

قوعامداعى بەلسەندىلىگىن ارتتىرۋ ماق­سا­تىندا باستاۋىش پارتيا ۇيىمدارىنىڭ توراعالارىنا ارنالعان كوشپەلى «كۋس­تا­لىق» سەمينارلار (دوسسوردا، اققىستاۋدا جانە قۇلسارى قالاسىندا) وتكىزىلدى.

جاڭعىرۋ جۇمىستارىنىڭ نەگىزگى وزەگى – پارتيالىق كادرلاردى دايارلاۋدا پولي­تو­لوگيالىق ءبىلىم ەرەكشە نازارعا الىنىپ، وڭىرلەر بويىنشا العاشقى جانە ازىرگە دارا «ساياساتتانۋشىلار ورتالىعى» قۇ­رىل­دى. پرەزيدەنت جولداۋىنداعى ماق­سات-مىندەتتەردى ناسيحاتتاۋ جانە قوعام­دىق-ساياسي جاعدايعا مونيتورينگ جۇرگىزۋ، بپۇ ءۇشىن ادىستەمەلىك نۇسقاۋلىق ازىرلەۋ ماقسا­تىن­دا قۇرامىنا عالىمدار، پارتيا اردا­گەر­لەرى، بۇقارالىق اقپارات قۇرال­دا­رى وكىلدەرى ەنگەن ورتالىق ارقىلى ساراپتاما جۇرگىزىلىپ، يدەولوگيالىق قىز­مەت باعىت­تارى مەن مەتوديكالىق ماتە­ريال­دار ناق­تى­لاندى. «جاھاندانۋ ءداۋى­رىندەگى – قازاقستان» تاقىرىبىندا رەس­پۋب­ليكالىق نە حالىقارالىق دەڭگەيدە ساياساتتانۋ­شى­لاردىڭ عىلىمي-پراكتي­كا­لىق كونفە­رەن­تسيا­سىن وتكىزۋ جوس­پار­لانۋدا.

سونىمەن قاتار، اتىراۋ وبلىستىق في­ليالى باتىس قازاقستان، ماڭعىستاۋ، اق­توبە، تۇركىستان وبلىستىق، شىمكەنت قالالىق جانە 15 اۋماقتىق فيليال­دارى­مەن ىسكەرلىك قارىم-قاتىناس ورناتىپ، وزىق ادىستەمەلەر، زاماناۋي قاجەتتىلىكتى انىقتاۋعا مۇمكىندىك تۋدى.

– پرەزيدەنت قاسىم-جومارت توقا­ەۆ حالىققا جولداۋىندا بۇدان بىلاي شە­نەۋنىكتەر جۇمىسىنىڭ سا­پاسى حالىق­تىڭ ءوتىنىش-شاعىم­دارى­نىڭ ورىندالۋىنا قاراي باعىتتا­لاتىنىن ايتتى. اتىراۋلىق شەندىلەر پارتيا­نىڭ قوعامدىق قابىلداۋىنا قانشالىقتى ءجيى باس سۇعادى؟

– جىلدىڭ باسىندا جەرگىلىكتى اتقا­رۋ­شى ورگان باسشىلارىنىڭ وبلىستىق پارتيا فيليالىنىڭ قوعامدىق قابىلداۋ بولمەسىندە ازاماتتاردى جەكە قابىلداۋ جونىندە كەستە جاساقتالعان بولاتىن. فيليال توراعاسى بەكىتكەن كەستە بويىنشا باسقارما باسشىلارى كەلىپ، جەكە قابىل­داۋلار وتكىزەدى.

قوعامدىق قابىلداۋ بولمەسىندە «Nur Otan» پارتياسىنىڭ بارلىق دەڭگەيدەگى ءماس­­ليحاتتارداعى دەپۋتاتتارى، فيليال ءتور­اعالارى، ياعني قالا، اۋدان اكىمدەرى قا­بىلداۋ وتكىزدى. مەملەكەتتىك ورگان باس­شى­لارى 425 قابىلداۋ جۇرگىزىپ، 999 ازا­ماتتى قا­بىلداپ تۇرعىنداردىڭ ماسە­لە­لەرىنىڭ شەشىلۋىنە ارالاستى. وبلىستىق فيليالدا اتقارۋشى ورگاندار باسشىلارى 75 قابىل­داۋ وتكىزىپ، 363 ادامنىڭ ءوتى­نىش­تەرىن تىڭ­داپ، وڭ شەشىلۋىنە اتسالىستى. قر تۇڭعىش پرە­زيدەنتى – ەلباسىنىڭ «Nur Otan» پار­تيا­سىنىڭ ساياسي كەڭەسىندە بەر­گەن حالىق­پەن كەرى بايلانىس قۇرال­دا­رى­نىڭ ءتيىم­دى­لىگىن ارتتىرۋ بويىنشا تاپ­سىرماسىنىڭ، سونداي-اق مەملەكەت باس­­شىسى قاسىم-جومارت توقاەۆتىڭ قازاق­­ستان حالقىنا جول­داۋىندا قويىل­عان «حا­لىق ۇنىنە قۇلاق اساتىن مەملەكەت» جۇيە­­­سىن قالىپ­تاس­تىرۋ بويىنشا قىر­كۇيەك-جەلتوقسان ايلارىنا قابىلداۋ كەس­تەلەرى بارلىق فيليالدار بويىنشا ءتۇرلى فورماتتاعى قابىلداۋلارمەن (كوش­پە­لى، «Skype» بايلا­نىسى ارقىلى) تولىق­تى­رىلىپ، قايتا بەكىتىلىپ، رەتىمەن ورىن­دالۋدا.

– پارتيا توراعاسىنىڭ ءبىرىنشى ورىن­با­سارى باۋىرجان بايبەكتىڭ ايتۋىنشا، پارتيانىڭ قوعامدىق قابىلداۋ بولمەسىنە كەلىپ تۇسكەن شاعىمداردىڭ 47 پايىزى جەرگىلىك­تى جەردە، ايماقتىق جانە اۋماقتىق فيليالداردىڭ توراعالارى شەشە­تىن ماسەلەلەر. سىزدەردىڭ ايماقتا­رىڭ­ىزدا تۇرعىندار پارتياعا نەگى­زى­نەن قانداي ماسەلەلەر بويىنشا شاعىمدانادى؟ ولاردىڭ تالاپ-تىلەك­تەرى دەر كەزىندە قاناعاتتان­دى­رى­لا ما؟

– جىل باسىنان بەرى 9 قوعامدىق قا­بىل­داۋ بولىمىنە جەكە جانە زاڭدى تۇل­عادان 1945 ءوتىنىش تۇسكەن. تۇسكەن ءوتى­نىش­تەردى سارالاۋ ناتيجەسىندە انىقتال­عا­نىنداي، ءوڭىر تۇرعىندارى پارتياعا نەگى­زى­نەن الەۋمەتتىك ماسەلەلەر (28,8%), ءپا­تەر جانە جەر تەلىمىن الۋ (27,9%), جۇمىسقا ورنالاستىرۋ (18,0%), تۇرعىن ءۇي-كوممۋ­نال­دىق شارۋاشىلىعى (10,8 %) جونىندەگى تالاپ-تىلەكتەرىمەن جۇگىنەدى. الەۋمەتتىك ماسەلەر بويىنشا اتىراۋ قالاسى جانە جىلىوي اۋدانى تۇرعىندارىنان ارىز-شاعىم كوپ تۇسكەن. ال جۇمىسقا ورنا­لاس­تىرۋ جونىندەگى وتىنىشتەردىڭ دەنى ماقات، يساتاي جانە قىزىلقوعا اۋدان­دارىنىڭ ازاماتتارىنان تۇسكەن.

بۇگىنگى كۇنگە دەيىن كەلىپ تۇسكەن 1945 ءوتى­نىشتىڭ 532-ءى (27%) وڭ شەشىلىپ، 1413 (73%) ءوتىنىش بويىنشا ناقتى ءتۇسى­نىك­تە­مەلەر بەرىلگەن. ياعني، تۇرعىنداردىڭ تالاپ-تىلەكتەرىنىڭ قاناعاتتاندىرىلۋ دەڭگەيىنىڭ وبلىس بويىنشا ورتاشا كور­سەت­كىشى 27 پايىز. كەيبىر اۋداندىق في­ليال­داردا بۇل كورسەتكىش جوعارى دەڭ­گەي­دە. اتاپ ايت­قاندا، يساتاي اۋدانىندا 54%، جىلىوي اۋدانىندا 46%، ماقات اۋدا­نىن­دا 40 % قۇرايدى.

– ەلىمىز شاعىن جانە ورتا بيزنەسكە ايرىقشا قولداۋ كورسەتىپ وتىر. الايدا كوپ جاعدايدا كاسىپ اشقىسى كەلەتىندەر مەملەكەت ۇسىنعان جەڭىلدىكتەردەن بەيحابار. اتىراۋ وبلىسىنداعى بيزنەس باستاۋعا نيەتتىلەر مەملەكەتتىك قولداۋدىڭ يگىلىگىن تولىققاندى كورىپ جاتىر ما؟

– كاسىپكەرلىك سالاداعى مەملەكەتتىك قول­داۋلاردى ناسيحاتتاۋ باعىتىندا «اتا­مە­كەن» كاسىپكەرلەر پالاتاسى جانىنان وبلىسىمىزدىڭ 7 اۋدانىندا جانە اتىراۋ قالاسىندا كاسىپكەرلەردى قولداۋ ورتا­لىق­تارى اشىلىپ، بەلسەندى جۇمىس ىستەۋدە. ورتالىقتا مەملەكەتتىك باعدارلامالاردى ءتۇسىندىرۋ، بيزنەس جوسپار جاساقتاۋ، سالىق جانە ەسەپتەردى تاپسىرۋ، مەملەكەتتىك تاپسىرىستارعا قاتىناسۋ، وقىتۋ، قۇقىق­تىق كومەكتەر كەڭەستەرى تەگىن كورسەتىلەدى. بۇگىنگى كۇنگە دەيىن كاسىپ باستاعان جانە باستاعىسى كەلەتىن 7 مىڭنان استام ادام مامانداردان كەڭەس الدى.

– بۇگىنگى كۇنگە دەيىن «Nur Otan» پارتياسىنىڭ سايلاۋالدى باعدار­لا­ما­سىندا كورسەتىلگەن ماقسات-مىندەتتەردىڭ 80 پايىزى ورىندال­دى. ناتيجەسىندە حالىقتىڭ پار­تياعا دەگەن سەنىمى، قۇرمەتى ارتا تۇسكەنى اڭعارىلادى. اتىراۋ وبلى­سىندا دا نۇروتاندىق اتانۋعا نيەتتىلەر قاتارى كوبەيگەن بولار؟

– كۇنى بۇگىنگە وبلىس بويىنشا پارتيا مۇشەلەرىنىڭ سانى 31 900-گە جەتىپ وتىر. 2018 جىلى پارتيا مۇشەلىگىنە 1866 ادام قابىلدانسا، ونىڭ 250-ءى كاسىپكەرلەر، 126-سى جاستار. ال بيىل پارتيا مۇشەلەرىنىڭ قاتارىنا 2000-نان اسا ادام قوسىلدى. بۇرىن نۇروتاندىقتاردىڭ قاتارى نەگىزى­نەن ءبىلىم، دەنساۋلىق، مادەنيەت سالاسى مەن مەملەكەتتىك قىزمەتكەرلەرمەن تو­لىق­سا، بۇگىندە شاعىن جانە ورتا بيزنەس وكىل­دە­رىنىڭ، سونداي-اق جاستاردىڭ پارتيا مۇشەسى بولۋعا ىقىلاس تانىتۋى «Nur Otan»-عا دەگەن سەنىمنىڭ ارتقانىن ايعاق­تا­سا كەرەك.

– سۇحباتىڭىزعا راحمەت!

 

سۇحباتتاسقان

انار لەپەسوۆا

سوڭعى جاڭالىقتار