1 قازان, 16:53 642 0 زاڭ انار لەپەسوۆا

تۇرمەدەن قاشىپ، 17 جىل ۇڭگىردى پانالاعان ەر ادام تابىلدى

قىتايدا تۇرمەدەن قاشىپ كەتكەن ەر ادام 17 جىل بويى ۇڭگىردە جاسىرىنعان. كەزىندە ادام ساۋداسى ءۇشىن سوتتالعان قاشقىن قايتادان تۇرمەگە قامالدى، دەپ حابارلايدى BBC.

17 جىلدان كەيىن تابىلعان جازاسىن وتەۋشى - سۋن تسزيان ەسىمدى بۇرىنعى پوليتسەي. ول ايەلدەر مەن بالالار ساۋداسى ءۇشىن باس بوستاندىعىنان ايىرىلعان. الايدا 2002 جىلى تۇرمەدەن قاشىپ كەتىپتى. ەر ادام وسى ۋاقىت بويى تۋعان قالاسىنا جاقىن ماڭداعى تاۋداعى ۇڭگىردە ءومىر سۇرگەن.

قاشقىننىڭ قايدا جۇرگەنىن ۇشقىشسىز باسقارىلاتىن قۇرىلعىنىڭ كومەگىمەن انىقتاۋ مۇمكىن بولدى. پوليتسەيلەر اۋەدەن تۇسىرىلگەن سۋرەتتەردەن ۇڭگىردىڭ ۇستىندەگى كوك ءتۇستى بولات شاتىردى بايقاپتى. سونىمەن قاتار سول ماڭدا قوقىس جاتقانى كورىنگەن.

پوليتسەيلەر ەر ادامدى ۇڭگىردە جاسىرىنىپ جاتقان جەرىنەن ۇستادى. پوليتسيا مالىمەتىنشە، سۋن تسزيان ۇزاق ۋاقىت جالعىز ءومىر سۇرگەندىكتەن، ورگان قىزمەتكەرلەرىمەن ارەڭ تىلدەسكەن.

تەگتەر تۇرمە قاشقىن

سوڭعى جاڭالىقتار