1 قازان, 11:15 1285 0 وقشانتاي انار لەپەسوۆا

ماقپال ءجۇنىسوۆا: جالاڭاشتانعان قىزداردى ساحنادان قۋىپ تاستاۋ كەرەك!

"Gakku داۋىسى» فەستيۆالىندە وتاندىق ءانشى كامشات جولدىباەۆا ەرسى بيىمەن ەلدى شوشىتقان ەدى. ماقپال ءجۇنىسوۆا جالاڭاش وبرازىمەن ونەر كورسەتىپ جۇرگەن انشىلەردى سىنعا الدى. ولاردى ساحنادان شەتتەتۋ كەرەك دەگەن ۇسىنىس ايتتى، دەپ جازادى Stan.kz.

ول جالاڭاش انشىلەردىڭ سىننان قورىتىندى شىعارماي، كەرىسىنشە سىناعان سايىن ءورشىپ بارا جاتقانىن ايتتى. سوندىقتان كورشى وزبەكتەر سەكىلدى زاڭ شىعارىپ، وندايلاردى ساحنادان قۋ كەرەك دەدى.

"جالاڭاشتانعاندى جاقسى كورسە، ياعني، ورتاسى سونداي. ءبىز ولاردىڭ اكە-شەشەسى ەمەسپىز. ورتاسى بار، دوستارى بار. ولار نەگە ايتپايدى؟ وزبەكستانداعىداي زاڭ شىعارىپ، ساحنادان قۋىپ تاستاۋ كەرەك ولاردى.«Gakku داۋىسى» فەستيۆالىندە  ساحنادا جاتىپ، اياعىن كوككە كوتەرىپ جاتىر. نە دەگەن ماسقارا؟!", - دەدى ءانشى.

بۇل ءسوزدى جىگەر اۋىپباەۆ تا قولداپ وتىر.

"قانشا ەسكەرتۋ جاسادىق. سىن ايتتىق. ناتيجە جوق. مەن جالاڭاش وبرازعا قارسىمىن. ول دۇرىس ەمەس", - دەيدى جىگەر.

بۇعان دەيىن «Gakku داۋىسى» فەستيۆالىندە ونەر كورسەتكەن كامشات جولدىباەۆا ەرسى بيىمەن ەلدى شوشىتقان ەدى.

سوڭعى جاڭالىقتار