30 قىركۇيەك, 10:47 407 0 دەنساۋلىق انار لەپەسوۆا

تاعامنىڭ ساپاسىن سۋرەت ارقىلى انىقتايتىن قوسىمشا پايدا بولدى

سۋرەت ارقىلى تاعامنىڭ ساپاسىن انىقتايتىن موبيلدىك قوسىمشا پايدا بولدى. كانادانىڭ ماكگيلل ۋنيۆەرسيتەتىنىڭ پروگرامميستەرى جاساپ شىعارعان قوسىمشا استىڭ ءاربىر كالورياسىن ەسەپتەپ وتىراتىندار ءۇشىن تاپتىرماس كومەكشى.

اتالمىش قوسىمشا تاعامنىڭ فوتوسىن تۇسىرگەننەن كەيىن، ونىڭ قۇرامىنداعى ازىق-تۇلىكتى انىقتاۋعا كىرىسەدى. ارتىنشا ينگرەديەنتتەردىڭ ءتىزىمىن، ولاردىڭ مولشەرىن، تاعامدىق قۇنارلىلىعىن، بۇدان بولەك تاعامداعى ماي، اقۋىز، كومىرسۋ، تۇز، حولەستەرين مولشەرىن، ءتىپتى كەيبىر دارۋمەندى دە انىقتاپ بەرەتىن كورىنەدى.

قوسىمشانىڭ انىقتاۋ دالدىگى ­­– 80%.

قوسىمشانىڭ سيپاتتاماسى arXiv پورتالىندا تولىعىراق سيپاتتالعان.

بۇعان دەيىن كانادالىق ينجەنەرلەر سەلفي ارقىلى ارتەريالىق قىسىمدى ولشەپ بەرەتىن موبيلدىك قوسىمشانى ويلاپ تاپقانى حابارلانعان بولاتىن.

سوڭعى جاڭالىقتار