30 قىركۇيەك, 10:16 385 0 جاھان انار لەپەسوۆا

كەز كەلگەن ادام ءوز ەسىمىن مارسقا اتتاندىرا الادى

ەسىمىڭىزدى مارسقا جىبەرگىڭىز كەلە مە؟ امەريكا قۇراما شتاتتارىنىڭ ۇلتتىق اەروناۆتيكا جانە عارىش كەڭىستىگىن زەرتتەۋ باسقارماسى (NASA) كەز كەلگەن ادامنىڭ وسىنداي ارمانىن ورىنداي الادى. Mars 2020 ميسسياسىنىڭ اياسىندا NASA  تىلەك بىلدىرۋشىلەردىڭ ەسىمىن مارسقا جىبەرە الادى. بۇل تۋرالى كومپانيانىڭ الەۋمەتتىك جەلىدەگى پاراقشاسىنا سىلتەمە جاساپ korrespondent.net حابارلادى.

ءوز اتىڭىزدى مارسقا جىبەرۋ ءۇشىن 30 قىركۇيەككە دەيىن NASA سايتىنا تىركەلۋىڭىز كەرەك. بۇل جاعدايدا ادامداردىڭ اتتارى ارنايى ميكروچيپپەن باسقا عالامشارعا جىبەرىلەدى. ول كەلەسى جىلدىڭ شىلدە ايىندا مارسقا باراتىن قۇرىلعىعا ورنالاستىرىلادى. NASA سايتىندا جاريالانعان 29 قىركۇيەكتەگى اقپاراتقا سايكەس، ەسىمدەردىڭ كوپشىلىگى تۇركيادان (2,5 ميلليون) تىركەلگەن. ەكىنشى ورىندا ءۇندىستان تۇرعىندارى (شامامەن 1,6 ملن ەسىم) تۇر. امەريكالىقتاردىڭ ىشىندە 1,3 ميلليون ادام ءوز ەسىمدەرىن تىركەگەن. ال ۋكراينادان 56 مىڭ ادام تىركەلگەن.

سوڭعى جاڭالىقتار