29 قىركۇيەك, 18:49 433 0 جاھان انار لەپەسوۆا

سيريا اقش پەن تۇركيا اسكەرلەرىنىڭ ءوز اۋماعىنان كەتۋىن تالاپ ەتتى

داماسك اقش پەن تۇركيا اسكەرلەرىنىڭ سيريادان شىعارىلۋىن تالاپ ەتتى. سيريانىڭ سىرتقى ىستەر ءمينيسترى ۆاليد مۋاللەم بۇۇ-نىڭ مىنبەرىندە بۇل ەكى مەملەكەتتىڭ شام جەرىندەگى ارەكەتى زاڭسىز دەپ مالىمدەدى. سونداي-اق، ۆاشينگتون مەن انكارانىڭ سيريانىڭ سولتۇستىگىندە قاۋىپسىزدىك ايماق قۇرۋىن حالىقارالىق قۇقىققا قايشى دەپ باعالادى.

«ەگەر ۆاشينگتون مەن انكارا بۇل تالاپقا قۇلاق اسپاسا داماسك ەكى ەل جاساقتارىنا قارسى كەز-كەلگەن شارا قولدانۋعا قۇقىلى» دەيدى سيريا وكىلى.

ەسكە سالا كەتەيىك، تامىزدىڭ 7-ءسى كۇنى اقش پەن تۇركيا بوسقىندار ءۇشىن سيريانىڭ سولتۇستىگىندە قاۋىپسىزدىك ايماعىن قۇرۋ تۋرالى كەلىسىمگە كەلگەن بولاتىن. ونىڭ ەنى 30, ال ۇزىندىعى 480 شاقىرىمعا سوزىلادى.

سوڭعى جاڭالىقتار