27 قىركۇيەك, 14:47 478 0 تۋريزم انار لەپەسوۆا

شارىن شاتقالىندا سۋرەتكە تۇسپەك بولعان نيدەرلاندىلىق تۋريست مەرت بولدى

ەلىمىزگە ساياحاتتاپ كەلگەن نيدەرلاندى ازاماتى شارىن شاتقالىندا  جارتاستان قۇلاپ كەتىپ، وقيعا ورنىندا قايتىس بولدى. بۇل تۋرالى الماتى وبلىسى تجد حابارلادى. 

قايعىلى جاعداي 18-قىركۇيەكتە بولعان.

ۆەدومستۆونىڭ حابارلاۋىنشا، نيدەرلاندى كورولدىگىنىڭ ازاماتى جارتاستا تۇرىپ سەلفي جاساماق بولعان.

الايدا اياعى تايى كەتىپ، 10 مەتر بيىكتىكتەن قۇلاعان. شەتەل ازاماتى وقيعا ورنىندا كوز جۇمعان.

ۆەدومستۆونىڭ دەرەگىنشە، قازا بولعان ادامنىڭ جاسى 74-تە. ول شارىنعا تۋريستىك توپپەن بارعان. ولار كولساي وزەنىنە قاراي باعىت العان ەكەن.

سوڭعى جاڭالىقتار