27 قىركۇيەك 2019, 11:23 693 0 قاۋىپسىزدىك انار لەپەسوۆا

بۇقتىرما سۋ قويماسىنىڭ تۇبىنەن 1 توننا ءناجىس تۇنباسى تابىلدى

سۇڭگۋىرلەر "بۇقتىرما" سۋ قويماسىنىڭ تۇبىنەن سۋ اعاتىن قۇبىر مەن شامامەن ءبىر توننا بولاتىن ءناجىس تۇنباسىن تاپتى. شىعىس قازاقستاندىق تاۋەلسىز ساراپشىلاردىڭ جاساعان بۇل سىناماسى تۇرعىنداردىڭ جاعاسىن ۇستاتتى. سۋداعى ىشەك تاياقشاسىنىڭ لاكتوزاسى نورمادان 70 مىڭ ەسە اسىپ كەتكەن، دەپ حابارلايدى "استانا" تەلەارناسى. 

تامىز ايىندا اۋىل تۇرعىندارى، «گولۋبوي زاليۆ» دەمالىس ورنىنا تيەسىلى كارىز قۇبىرىنان شىققان ءناجىس "بۇقتىرما" سۋ قويماسىنا اعىپ جاتقانى ۆيدەوعا ءتۇسىرىپ جاريالاعان بولاتىن. كەلگەن ەكولوگيا دەپارتامەنتىنىڭ ماماندارى اپاتتى قۇبىردى تابا الماعان. ءبارى قالىپتى دەدى. وعان كۇمانمەن قاراعان تۇرعىندار تاۋەلسىز ساراپشىلاردى شاقىرعان. ولار جاعالاۋدان 80 مەتر قاشىقتىقتان لاستانۋ كوزىن تاپتى.

"سۇڭگۋىرلەر سۋ تۇبىنەن سىنامالار الدى. مىنە، وسى سىنامانىڭ ناتيجەسى 70 مىڭ بىرلىكتەن اسىپ ءتۇستى، قالىپتى جاعداي 5 مىڭ بىرلىك بولۋى كەرەك. ياعني ءناجىس، قۇرت، پارازيتتەر مەن بۇل باكتەريالار دا بار", - دەيدى جەرگىلىكتى تۇرعىن سەرگەي اكەنتەۆ

مۇنداي قورىتىندىلاردان كەيىن ساراپتامانىڭ دۇرىستىعىن ەندى وبلىستىق پروكۋراتۋرا تەكسەرەدى. سونداي-اق، «گولۋبوي زاليۆ» دەمالىس ورنىندا كارىز جۇيەسى جۇمىس ىستەپ تۇر ما ، جوق پا ونى دا انىقتاۋى ءتيىس.

سوڭعى جاڭالىقتار