26 قىركۇيەك, 11:25 356 0 نۇر وتان Túrkistan Gazeti

ورتالىق قۇرىلىسى باقىلاۋعا الىندى

«Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك قاراعاندى وبلىسىنا جۇمىس ساپارى بارىسىندا ايماقتاعى باستاۋىش پارتيا ۇيىمدارىنىڭ وكىلدەرىمەن كەزدەستى. سونداي-اق، ول وبلىستىق ونكولوگيالىق ديسپانسەردە بولىپ، ورتالىققا بۇگىندە وتا جانە جانساقتاۋ بولىمىنە ارنالعان جاڭا عيماراتتىڭ قاجەتتىلىگىنە كوز جەتكىزدى.

«الەمدە ونكولوگيالىق اۋرۋدان جىل سايىن 10 ملن-عا دەيىن ادام كوز جۇمادى. دەنساۋلىق ساقتاۋ مينيسترلىگىنىڭ مالىمەتى بويىنشا، قازاقستاندا بۇل كورسەتكىش 15 مىڭعا جۋىقتايدى. بۇل كەسەلدەن قانشاما وتانداسىمىز تۋىستارى مەن جاقىندارىن جوعالتىپ، تاعدىر تاۋقىمەتى مەن قاسىرەت شەگۋدە. سوندىقتان بىزگە زاماناۋي مەديتسينالىق تەحنولوگيالاردى ەنگىزىپ، بىلىكتى ماماندار دايارلاپ، ءتيىستى ينفراقۇرىلىم قالىپتاستىرۋ قاجەت. قاتەرلى دەرت كەسىرىنەن كوز جۇماتىندار سانىن ازايتۋعا، ال اۋرۋدىڭ باستاپقى ساتىلارىندا قۇلان تازا ايىعۋعا بولادى»، – دەدى باۋىرجان بايبەك.

«Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك وتا جانە جانساقتاۋ بولىمىنە ارناپ جاڭا عيمارات سالۋ ناۋقاستاردىڭ كەزەك كۇتۋ مەرزىمىن 10 كۇننەن 1 كۇنگە قىسقارتىپ قانا قويماي، جاسالاتىن وتا سانىن جىلىنا 20 مىڭعا ارتتىرۋعا، ياعني قانشاما ادامنىڭ ءومىرىن ساقتاپ قالۋعا مۇمكىندىك بەرەتىنىن ايتتى.

«مۇندا جىل سايىن ەلىمىزدىڭ 6 ايماعىنان كەلگەن 10 مىڭنان اسا ادام ەم قابىلدايدى. الايدا، عيماراتتىڭ تارلىعى ناۋقاستاردىڭ بارلىعىنا بىردەي تولىققاندى قىزمەت كورسەتۋگە قول بايلاۋ بولىپ كەلەدى. بۇگىندە قۇرىلىستى قارجىلاندىرۋ ماسەلەسى باسى اشىق كۇيىندە قالىپ وتىر. «Nur Otan» اتالعان جوبانىڭ قارجىلاندىرىلۋىن قولدايدى. سونىمەن بىرگە، قۇرىلىس جۇمىستارىمەن قاتار كورسەتىلەتىن قىزمەت ساپاسىنا دا قاتاڭ تۇردە  پارتيالىق باقىلاۋ جۇرگىزىلەدى»، – دەدى باۋىرجان بايبەك.

وسى كۇنى «Nur Otan»-نىڭ وبلىستىق فيليالىنىڭ كەزەكتەن تىس كونفەرەنتسياسى ءوتتى. وندا پارتيانىڭ وبلىستىق فيليالىنىڭ توراعاسى بولىپ قاراعاندى وبلىسىنىڭ اكىمى جەڭىس قاسىمبەك سايلاندى.

سوڭعى جاڭالىقتار