26 قىركۇيەك, 11:19 477 0 نۇر وتان انار لەپەسوۆا

تۇراقتىلىق – ەكونوميكانىڭ تىرەگى

«Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك گەرمانيا فەدەراتيۆتى رەسپۋبليكاسى بۋندەستاگ توراعاسىنىڭ ورىنباسارى حانس-پەتەر فريدريحپەن كەزدەستى. تاراپتار ءوزارا پارتياارالىق ىنتىماقتاستىقتى دامىتۋ پەرسپەكتيۆالارىن، «جاڭا» مەديانىڭ ەلدەگى قوعامدىق-ساياسي احۋالعا ىقپالىن، سونداي-اق، «Nur Otan» پارتياسىن قايتا جانداندىرۋداعى نەگىزگى باعىتتاردى تالقىلادى.

بۇگىندە قازاقستان مەن گەر­مانيا اراسىنداعى سە­نىمدى سەرىك­تەستىكتىڭ ارقاسىندا ساۋدا-ەكونوميكالىق جانە مادەني-گۋمانيتارلىق ىنتىماقتاستىق قارقىندى دامۋدا. 2018 جى­لى ەكى ەل اراسىنداعى تاۋار اينالىمى 5,9 پايىزعا ءوسىپ، جالپى قۇنى – 5,1 ملرد. ەۋروعا جەتتى. قازاقستان گەرمانيانىڭ ورتالىق ازياداعى نەگىزگى سەرىكتەسى سا­نالادى. ال ەكىجاقتى ساۋدا-سات­تىقتىڭ جالپى كولەمى گەرمانيانىڭ وسى ايماقتاعى ەلدەرىمەن سىرتقى ساۋدا وپەراتسيالارىنىڭ 85 پايىزدان استامىن قۇرايدى.

«70 جىل بويى گەرمانيانىڭ ساياسي جۇيەسىندە تۇراقتىلىق ورىن الدى. سونىڭ ارقاسىندا ءبىز ەكونوميكالىق زور تابىسقا قول جەتكىزدىك. دەگەنمەن، زامان تالابى وزگەرۋدە، قازىر ءبىزدىڭ فەدەرال­دى جيىنىمىزدا التى فراكتسيا بار. ءبىز ساياسي تۇراقتىلىقتىڭ ارقاسىندا قازاقستاننىڭ 30 جىل­عا جۋىق ۋاقىتتىڭ ىشىندە مىق­تى سەرپىلىس جاساعانىن كورىپ وتىرمىز. جۇرتشىلىق تۇراقتىلىقتىڭ اسا ۇلكەن قۇندىلىق ەكە­­نىن ءتۇسىنۋى ءتيىس. سەبەبى ول ەكو­نوميكانىڭ تىرەگى. ءبىز ءالى دە بولسا بۇل جولعا قايتا ورالامىز دەپ

سەنە­مىن. ءسات سايىن وزگەرىپ جاتقان الەمدە بارلىعىمىزدىڭ الدى­مىزدا جاڭا سىناقتار كەزدەسەتىنى انىق. ماسەلەن، جاڭا تەحنو­لوگيالاردىڭ دامۋىمەن قاتار، تسيفرلىق سالاداعى زاڭدىلىقتاردى ساقتاۋدى، مورال مەن ادەپ، ءداستۇرلى قۇندىلىقتاردى ناسيحاتتاۋدى قامتاماسىز ەتۋ قاجەت»، – دەدى حانس-پەتەر فريدريح.

«Nur Otan» پارتياسى توراعاسىنىڭ ءبىرىنشى ورىنباسارى باۋىر­جان بايبەك گەرمانيانىڭ حريستيان-دەموكراتيالىق وداعى پارتياسىنىڭ جانە قازاقستانداعى ك.ادەناۋەر اتىنداعى قوردىڭ وكىلدەرىمەن دە كەزدەسۋ وتكىزگەن.

كەزدەسۋ بارىسىندا تاراپتار پارتيالىق پرايمەريز ءراسىمىن ۇيىمداستىرۋ جانە وتكىزۋ ءتار­تى­بىن تالقىلادى. بۇل ءراسىمدى حدو پارتياىشىلىك دەموكراتيانى قارقىندى دامىتۋ ءۇشىن سايلاۋ ناۋقانى بارىسىندا قولدانىپ

كەلەدى. سايلاۋ ناۋقانى جانە سايلاۋارالىق كەزەڭدە دە پارتيانىڭ جاڭا كوشباسشىلارىن انىقتاۋ ماسەلەلەرى بويىنشا تاجىريبە الماستى.

ايتا كەتەيىك، حريستيان-دەموكراتيالىق وداعى گەرمانيا ءۇشىن اۋىر كەزەڭ بولعان 1945 جىلى قۇرىلدى. اتالعان وداق قوعامدى بىرىكتىرىپ، ەل دامۋىنا تۇبەگەيلى جاڭا سەرپىن بەردى. كون­راد ادەناۋەر – گەرمانيانىڭ فەدەرالدىق كانتسلەرى جانە حدو پارتياسىنىڭ توراعاسى. ونىڭ ەسىمىن گەرمانياداعى دەمو­كراتيالىق قايتا قۇرۋمەن، ەۋروپالىق بىرىگۋ مەن الەۋمەتتىك نا­رىقتىق ەكونوميكاعا باستاعان وڭ وزگەرىستەرمەن بايلانىستىرادى.

سوڭعى جاڭالىقتار