23 قىركۇيەك, 14:39 532 0 زاڭ انار لەپەسوۆا

زاڭسىز ميتينگتەر: پوليتسيا 100-گە جۋىق ادامدى ۇستادى

كەشە ەلىمىزدىڭ بىرنەشە قالاسىندا وتكەن زاڭسىز ميتينگتەر كەزىندە 100-گە جۋىق ادام ۇستالعان. بۇل تۋرالى ىشكى ىستەر ءمينيسترى ەرلان تۇرعىمباەۆ ۇكىمەت كۋلۋارىندا مالىمدەدى.

«21 قىركۇيەكتە زاڭسىز ميتينگىلەر وتكىزىلگەن جەرلەرگە پوليتسيا جاساعى قويىلىپ، الدىن الۋ جۇمىستارى جۇرگىزىلدى. سول كۇنى ىشكى ىستەر ورگاندارىنا 100-گە جۋىق ادام جەتكىزىلدى. ولاردىڭ 15-ءى اكىمشىلىك جاۋاپقا، 9-ى اكىمشىلىك تۇتقىنداۋعا، 6-اۋى اكىمشىلىك ايىپپۇلعا تارتىلدى. قالعاندارىمەن ءتۇسىندىرۋ جۇمىستارى جۇرگىزىلىپ، ۇيلەرىنە جىبەرىلدى»، - دەيدى تۇرعىمباەۆ.

سونىمەن قاتار مينيستر ەلىمىزدىڭ 7-8 قالاسىندا رۇقسات ەتىلمەگەن ميتينگىلەر وتكەنىن اتاپ ءوتتى.

ەسكە سالا كەتسەك، 21 قىركۇيەكتە ەلىمىزدىڭ نۇر-سۇلتان جانە الماتى قالالارىندا زاڭسىز ميتينگىلەر وتكەن ەدى.

بۇعان دەيىن نۇر-سۇلتان قالالىق پوليتسيا دەپارتامەنتىنىڭ باسشىسى ەلوردادا زاڭسىز ميتينگىلەر كەزىندە 50-گە تارتا ادامنىڭ ۇستالعانىن مالىمدەدى.

سوڭعى جاڭالىقتار