20 قىركۇيەك, 15:21 405 0 زاڭ انار لەپەسوۆا

ءابليازوۆتىڭ سىبايلاستارىنا قانداي جازا بەرىلدى؟

 مۇحتار ءابليازوۆتىڭ ءوز ەركىمەن ورالعان سىبايلاستارىنا سوت قانداي ۇكىم كەستى؟ بۇل تۋرالى نۇر-سۇلتاندا وتكەن بريفينگتە قر سىبايلاس جەمقورلىققا قارسى ءىس-قيمىل اگەنتتىگىنىڭ ەكىنشى دەپارتامەنتىنىڭ باسشىسى سەرگەي پەروۆ ايتىپ بەردى. 
23 تامىزدا الماتى قالاسىنىڭ مەدەۋ اۋداندىق № 2 سوتىندا رەسەيدەن ءوز ەركىمەن ورالعان مۇحتار ءابليازوۆتىڭ جەتى سىبايلاسىنا ايىپتاۋ ۇكىمى شىعارىلدى. ولاردىڭ ۇشەۋى - رەسەي ازاماتتارى. بۇل ارتۋر تروفيموۆ (اۆستريادا بوسقىن مارتەبەسىنە يە), ماكسيم حابلوۆ، انار ابديحايموۆا، ءبىرى - ۋكراينا ازاماتى ەرجان كادەسوۆ جانە ءۇش قازاقستاندىق اناتولي پوگورەلوۆ، ۆالەري نالوبين جانە زاۋرە ءجۇنىسوۆا. تەرگەۋ بارىسىندا ولار ءابليازوۆتىڭ اقشا ۇرلاۋ بويىنشا سىزبالارىن تولىق اشىپ ايتىپ بەرگەن.

"ولارعا 1500-دەن 3000 اەك-گە دەيىن (3 7875 00-دەن 7 575 000 تەڭگەگە دەيىن) ايىپپۇل سالىندى. ءبىز ءابليازوۆتىڭ ءاربىر سىبايلاسىمەن جۇمىس جۇرگىزدىك. ءاربىر ادامنىڭ ءرولىن بىلەمىز، ءابليازوۆتىڭ ولاردى قانشالىقتى پايدالانعانىن، سونىمەن بىرگە ەشقانداي ماتەريالدىق سىياقى الماي، قانداي ءرول اتقارعاندارىن بىلەمىز. قالىپتاسقان تاجىريبەنى ەسكەرە وتىرىپ، ءوز ەركىمەن كەلگەن ادامدار تەرگەۋگە جاردەمدەسەدى، كىنالى ادامداردى اشكەرەلەۋگە كومەكتەسەدى، ولار باس بوستاندىعىنان ايىرىلمايدى. ولار ايىپپۇلعا، شارتتى تۇردە جاۋاپقا تارتىلدى", - دەپ ءتۇسىندىردى سەرگەي پەروۆ.

ۇكىم زاڭدى كۇشىنە ەندى. ۇكىم شىعارۋ كەزىندە ءوز سوت ەركىمەن بەرىلىپ، كىناسىن تولىق مويىنداپ، شىن جۇرەكتەن وكىنۋىنەن باسقا، بارلىق سوتتالعانداردىڭ قىلمىس جاساۋ بارىسىندا ماتەريالدىق پايدا الماعانىن جانە تەك قىلمىستىق قوعامداستىق باسشىسى مۇحتار ءابليازوۆتىڭ نۇسقاۋلارىن ورىنداعانىن ەسكەردى.

سوڭعى جاڭالىقتار