20 قىركۇيەك, 15:03 398 0 جاڭالىقتار انار لەپەسوۆا

الماتىداعى كابلۋكوۆ كوشەسىنە ءابىش كەكىلباەۆتىڭ اتى بەرىلدى

الماتىداعى كوشەلەرىنىڭ بىرىنە مەملەكەت جانە قوعام قايراتكەرى، جازۋشى ءابىش كەكىلباەۆتىڭ ەسىمى بەرىلدى.

ەندى بۇرىنعى كابلۋكوۆ كوشەسى بيىل 80 جاسقا تولاتىن ءابىش كەكىلباەۆتىڭ ەسىمىن يەلەنەتىن بولادى. كوشەنىڭ رەسمي اشىلۋىندا قالا اكىمى باقىتجان ساعىنتاەۆ ءسوز سويلەدى.

«ءابىش كەكىلباەۆ ءوزىنىڭ بالالىق شاعى مەن ءومىرىنىڭ باقىتتى ساتتەرىن الماتىدا وتكىزدى. ول ءوز كەزەگىندە ۇلكەن بيىكتەرگە جەتتى. تۇڭعىش پرەزيدەنت-ەلباسى نۇرسۇلتان نازارباەۆ ايتقانداي، ءابىش كەكىلباەۆ تەك قازاقستاندا عانا ەمەس، باسقا دا ەلدەر اراسىندا دا تانىمال ۇلى تۇلعا بولعان. ونىڭ ەسىمى مەن شىعارماشىلىعى قازاقستاندىقتاردىڭ جۇرەگىندە ماڭگى قالادى»، - دەدى قالا باسشىسى.

ءابىش كەكىلباەۆتىڭ 80 جىلدىعىنا وراي، ن. نازارباەۆ داڭعىلى، 118 مەكەن-جايىندا مەموريالدىق تاقتا اشىلادى.

سونىمەن قاتار اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا سالتاناتتى كەش وتەدى.

سوڭعى جاڭالىقتار