18 قىركۇيەك, 12:34 537 0 ەكونوميكا انار لەپەسوۆا

جىل باسىنان بەرى وتاندىق 1320 كولىك ەكسپورتتالدى

ەلىمىزدە جىل باسىنان بەرى 28 611 كولىك قۇراستىرىلىپ، ونىڭ 1 320-ى ەكسپورتتالدى، دەپ حابارلايدى قازاقستان اۆتوبيزنەس قاۋىمداستىعىنىڭ وكىلدەرى.

وتاندىق وندىرىستەگى اۆتوكولىكتەرگە دەگەن سۇرانىس داعدارىسقا دەيىنگى كورسەتكىشتەرگە جەتىپ وتىر. وسى جىلدىڭ قاڭتارى مەن تامىز ايلارىنىڭ ارالىعىندا اۆتووندىرۋشىلەر 28 611 دانا تەحنيكا (+46,9%) شىعارعان.

«ماشينا جاساۋ سالاسى ەلدىڭ يندۋستريالىق-يننوۆاتسيالىق دامۋىنىڭ باسىم باعىتى بولىپ قالۋدا. ءوندىرىس كولەمى ءبىر جارىم ەسە ءوسىپ، ءوسىم قارقىنى جىل سوڭىنا قاراي كەمىندە 40 مىڭ اۆتوكولىك شىعارۋعا مۇمكىندىك بەرگەلى وتىر.

سونىمەن قاتار، بيىل ءبىزدىڭ بولجامىمىز بويىنشا، ەلىمىزدىڭ اۆتوموبيل نارىعى 78 مىڭ جەڭىل جانە كوممەرتسيالىق تەحنيكاعا دەيىن وسەدى»، – دەيدى قازاقستان اۆتوبيزنەس قاۋىمداستىعىنىڭ ۆيتسە-پرەزيدەنتى انار ماقاشەۆا.

قازاقستان اۆتوبيزنەس قاۋىمداستىعى ۇسىنعان مالىمەتكە سۇيەنسەك، قازاقستاندا جىل باسىنان بەرى 25 586 جەڭىل اۆتوكولىك (+40,5%), 1 658 اۋىر جۇك كولىگى (+142,4%), 780 اۆتوبۋس، 540 تىركەمە مەن جارتىلاي تىركەمە (+90,8%), 47 دانا وزگە دە مامانداندىرىلعان تەحنيكا وندىرىلگەن.

8 ايدىڭ قورىتىندىسى بويىنشا، قوستانايداعى «سارىارقااۆتووندىرىس» كاسىپورىنى كوش باستاپ، 13 092 دانا كورسەتكىشپەن جەڭىل، جۇك اۆتوكولىك پەن اۆتوبۋس شىعارۋدى ەكى ەسە ۇلعايتتى. وسكەمەندەگى «ازيا اۆتو» كاسىپورنىندا 13 107 اۆتو (+14%) قۇراستىرىلدى. سەمەيدەگى «سەماز» كومپانياسى 774 جۇك كولىگى مەن اۆتوبۋستى، كوكشەتاۋداعى «كاماز ينجينيرينگ» 494 جۇك كولىگىن، «Hyundai Trans Auto» 180 بىرلىك كوممەرتسيالىق تەحنيكانى، «Daewoo Bus Kazakhstan» 179 اۆتوبۋس شىعارعان.

سوڭعى جاڭالىقتار