17 قىركۇيەك, 16:14 422 0 ەكونوميكا انار لەپەسوۆا

قازاقستاندىقتار 7 اي ىشىندە شەتەلگە 345,5 ملرد تەڭگە اۋدارعان

بيىلعى جىلدىڭ قاڭتار-شىلدەسىندە قازاقستان ازاماتتارىنىڭ شەتەلگە اۋدارعان اقشا قاراجاتتارىنىڭ سوماسى 345,5 ملرد تەڭگەنى قۇرادى.  

Ranking.kz دەرەگىنە سۇيەنسەك، 2019 جىلدىڭ 7 ايىنداعى حالىقارالىق اقشا اۋدارۋ جۇيەسى ارقىلى جىبەرىلگەن قاراجات كولەمى 369,1 ملرد تەڭگەنى قۇراعان. اتالعان سومانىڭ 345,5 ملرد تەڭگەسى شەتەلگە، ال 23,6 ملرد تەڭگەسى قازاقستان اۋماعىنا اۋدارىلعان.

ال حالىقارالىق اقشا اۋدارۋ جۇيەسى ارقىلى شەتەلدەن قازاقستانعا كەلگەن قاراجاتتىڭ سوماسى 203 ملرد تەڭگەنى قۇرايدى. بۇل وتكەن جىلدىڭ قاڭتار-شىلدەسىندەگى سومادان 8,8 پايىزعا كوپ. وسى ۋاقىت ارالىعىندا شەتەلگە اۋدارىلعان جانە شەتەلدەن الىنعان ترانسشەكارالىق اۋدارىمدار كولەمىندەگى ايىرماشىلىق ءبىر جىلدىڭ ىشىندە 135,8 ملرد تەڭگەدەن، 142,5 ملرد تەڭگەگە دەيىن ارتىپ وتىر.

حالىقارالىق اقشا اۋدارۋ جۇيەسى ارقىلى ترانسشەكارالىق اۋدارىمدار جاسالاتىن ەلدەر اراسىندا رەسەي، وزبەكستان، تۇركيا جانە قىرعىزستان كوش باستاپ تۇر. ايتالىق، 7 ايدىڭ ىشىندە قازاقستاندىقتار رەسەيگە 116,9 ملرد تەڭگە اۋدارىپ، ول جاقتان 72 ملرد تەڭگە العان.

دەگەنمەن، ەلىمىزدەن كورشى ەلگە اۋدارىمدار ءبىر جىلدىڭ ىشىندە 8,7 پايىزعا، ال قازاقستانعا اۋدارىمدار 23,7 پايىزعا قىسقارعان. ال قازاقستاننان وزبەكستانعا 72,1 ملرد تەڭگە اۋدارىلسا، ول جاقتان ەلىمىزگە كەلگەن اقشا كولەمى نە ءبارى 14,9 ملرد تەڭگەنى عانا قۇرايدى. مۇنان بولەك، قازاقستاندىقتار تۇركياعا 47 ملرد تەڭگە اۋدارىپ، 3,8 ملرد تەڭگە السا، قىرعىزستانعا جىبەرىلگەن قاراجات 43,4, ال كەلىپ تۇسكەن اقشا كولەمى 13,4 ملرد تەڭگە بولدى. قازاقستاندىقتار كورەيا رەسپۋبليكاسىنان 32,2 ملرد تەڭگە اقشا اۋدارىمىن العان.

سوڭعى جاڭالىقتار